Bashkimi i shqiptarëve, Kamberi: Përgjigje politike ndaj pushtetit të Vuçiçit!
Bashkim është përgjigjja jonë politike ndaj partisë-shtet të Vuçiçit, tha bartësi i listës së Koalicionit Shqiptar në Luginën e Preshevës, Shaip Kamberi, duke vlerësuar se bashkimi i subjekteve politike shqiptare për zgjedhjet e parakohshme në Serbi përfaqëson një qëndrim të përbashkët politik për barazi dhe përfaqësim.
Në kuadër të aktiviteteve parazgjedhore, përfaqësuesit e subjekteve politike shqiptare në Samolicë kanë prezantuar mesazhin e bashkëpunimit mes Preshevës, Bujanocit dhe Medvegjës.
“Bashkimi na ngarkon edhe me përgjegjësi që të punojmë bashkë, t’i mbajmë zotimet dhe të mbajmë të përgjigjeshëm pushtetin për mos zbatim të marrëveshjeve,” tha bartësi i listës së Koalicionit Shqiptar në Luginën e Preshevës, Shaip Kamberi, duke përfunduar:
“Faleminderit secilit e secilës për pjesëmarrjen dhe të gjithë atyre që punuan për organizimin e tubimit!”
Ndryshe, në zgjedhjet e parakohshme parlamentare që pritet të mbahen më 25 Tetor në Serbi, subjekteve politike shqiptare në Luginën e Preshevës, në funksion të përfaqësimit politik dhe mbrojtjes së të drejtave të shqiptarëve, marrin pjesë me një listë të përbashkët, Koalicioni Shqiptar!
