Baton Haxhiu në SPAK, pas dy orëve del si kolegu Erion Veliaj

Në portën e Prokurorisë së Posaçme kundër Korrupsionit dhe Krimit të Organizuar të Republikës së Shqipërisë, mesditën e sotme u shfaq Ish-Këshilltari i Kryeministrit Edi Rama dhe analisti, siç tha Kryetari i Bashkisë Tiranë, Erion Veliaj, i dëbuar nga Kosova, Baton Haxhiu.

Baton Haxhiu u maskua kot me kapele si klientët e Idajet Beqirit nga Suedia, por harroi se ishin punonjësit e Prokurorisë së Posaçme ata që bënë të ditur se sot do të paraqitet Ish-Këshilltari Edi Ramës dhe moderatori i moderatorit Blendi Fevziu.

Pas dy orëve, Baton Haxhiu dha një arsyetim shumë më të çuditshëm se kolegu Erion Veliaj! Ky si Ish-Këshilltar i Edi Ramës kaloi ylberin, dhe tha se ishte për të intervistuar një hetues!

“Isha për të intervistuar një prej hetuesve për një lajm. Kaq mund të them. Ju thashë që kam hyrë për intervistim. Nuk kisha fletë-thirrje. Kjo nuk ka lidhje me fletë-thirrje,” tha Baton Haxhiu për media, duke bindur gazetarët që po qëndronin para SPAK dhe opinionin e gjërë, aq sa i bindi Erion Veliaj.