BeH, vetëm për simbolin çetnik dy të rinj gjobiten 500 euro. Në Shqipëri mburren…

Deri sa mediat në Shqipëri mburren me publikimin e krimineles komuniste Nexhmije Hoxha dhe rrëfimin mbi bëmat e saj, pa e shqetësuar as kryeministrin Edi Rama për shpifje, në Bosnje Hercegovinë, BeH, dy ditë rinj janë arrestuar dhe më pas janë dënuar me gjobë, me nga 500 marka konvertibile (255 euro) vetëm pse mbanin qeleshe  me simbolin e çetnikëve serbë.

Ngjarja ka  ndodhur në Bosanski Petrovac në ditën e Krishtlindjeve Ortodokse Serbe, ku dy të rinj sapo kanë dalë në rrugë me qeleshe në kokë, dhe me simbolin e çetnikëve serbë janë arrestuar nga policia. Më pas ata janë gjobitur me nga 500 marka konvertibile për fyerje të ndjenjave fetare dhe kombëtare të qytetarëve.

Ndryshe, Bosanski Petrovac është komunë në Federatën e BeH ku sipas regjistrimit të fundit të popullsisë nga viti 2013 është pothuajse i barabartë numri i serbëve dhe boshnjakëve.

Kur dy të rinj serbë në Bosnje Hercegovinë paguajnë 500 euro vetëm pse bartën për pak metra simbolin çetnik në qeleshet e tyre, imagjinoni sa do të paguante gazeta “Panorama” dhe jo vetëm, që për disa ditë me radhë publikon dhe propagandon politikën kriminale të Nexhmije  Hoxhës, e cila nuk vrau vetëm ata që nuk i dolën para; Ose të gjithë ata kuazidëshmorë që vuajnë pse nuk kishin rastin të bëhen kriminelë dhe në çdo 5 Maj fyejnë qindra mijëra të përndjekur politikë dhe familjet e viktimave të regjimit komunistë me foton e Enver Hoxhës dhe simbolet e partisë së tij kriminale!