Beograd, dhjetëra fëmijë helmohen me alkool në një klub nate
Dhjetëra fëmijë të alkoolizuar në gjendje të rëndë janë pranuar mbrëmë në Spitalin Ushtarak në Beograd të helmuar në klubin e natës Sinner, raporton media serbe N1 ndërsa pronarët e klubit e mohojnë të kenë lidhje me rastin pasi ata e kishin dhënë me qira klubin për një festë private.
Mbrëmë në Spitalin Ushtarak VMA janë pranuar 26 të rinjë 12 prej të cilëve fëmijë më të rinjë se 15 vjeç, të cilët ishin të alkoolizuar në gjendje të rëndë. Sipas mjekëve, disa fëmijë kishin madje 2.8 g/l sasi të alkoolit në gjak.
Mësohet se fëmijët janë helmuar nga alkooli jocilësor i cili i është shërbyer në klubin e natës.
“Kryeprokurori i Beogradit, Nenad Stefanoviç ka urdhëruar të konstatohen rrethanat dhe të identifikohen përgjegjësit, dhe më pas pritet të përcaktohet vepra penale dhe të procedohen autorët,” thekson Prokuroria përmes një komunikate.
