Berlin, Krichbaum mesazh tjetër për Ramën: Reformat nuk mjaftojnë…

Pas vizitës së Ramës në Gjermani, Kryetar i Komisionit për Çështjet Europiane pranë Bundestagut, Gunther Krichbaum, përsëriti edhe njëherë mendimin e tij se nuk është koha për hapjen e negociatave me Shqipërinë.

“Dje kam takuar kryeministrin e Shqipërisë, Edi Rama, në Bundestagun e Gjermanisë. Me këtë rast, personalisht i thashë atij se unë mendoj se hapja e bisedimeve të pranimit të Shqipërisë me BE është e parakohshme në këtë fazë. Reformat e mëparshme ende nuk janë të mjaftueshme,” thekson Krichbaum në rrjetin social Facebook.

Ky status i Krichbaum vjen pak minuta para se Edi Rama të shkelë në tokën shqiptare pas vizitës së tij në Gjermani.