Biden nominon, një shqiptar Ambasador i SHBA në Mal të Zi

Presidenti i SHBA, Joe Biden, ka nominuar një shqiptar me origjinë nga Maqedonia e Veriut, Ambasador të Shteteve të Bashkuara në Mal të Zi.

Ky është Begzat Aliu i cili ka shërbyer si Zv/Ambasador në Podogricë në periudhën 2014-2017 dhe si Zv/Shef i misionit të SHBA-së në Poloni gjatë vitit 2021.

Ai ka një Diplomë Mjekësie nga Universiteti i Prishtinës, dhe një Diplomë Master të Studimeve Strategjike nga Kolegji i Pensilvanisë, thuhet në njoftimin e Shtëpisë së Bardhë duke shtuar se Begzat Aliu është diplomat karriere me titullin ministër-këshilltar.

Begzat Aliu i cili pritet të konfirmohet nga Senati si Ambasador të Shteteve të Bashkuara në Mal të Zi, ka lindur në Çikago dhe prej 20 vitesh punon për Departamentin Amerikan të Shtetit. Flet rrjedhshëm gjuhën malazeze, polake, serbo-kroate, maqedonase dhe gjuhën shqipe.

Ndryshe, sot kur bëhet publik propozimi i Presidenti Biden për Ambasadorin e ri të SHBA në Podgoricë, televizioni publik i Malit Zi, RTCG, bënë të ditur se në Washington po qëndron Kryeministri në largim Dritan Abazoviç i cili pritet të zhvilloj takime të nivelit lartë politik dhe ekonomik si dhe një takim në Departamentin e Shtetit .