Blinken dhe Borrell diskutojnë për stabilitetin në Ballkan

Mbështetja për Ukrainën, stabiliteti në Ballkan dhe marrëdhëniet me Kinën, ishin temat e diskutimit të takimit të Sekretarit amerikan të Shtetit, Antony Blinken, me Përfaqësuesin e Lartë të Bashkimit Evropian për Politikë të Jashtme, Josep Borrell, ka bërë të ditur zëdhënësi i Departamentit Amerikan të Shtetit, Matteu Miller.

“Sekretari Blinken iu bashkua Josep Borrell dhe Këshillit të Punëve të Jashtme të BE-së për të diskutuar prioritetet SHBA-BE, duke përfshirë mbështetjen për Ukrainën, integrimin euro-atlantik, stabilitetin në Ballkan dhe marrëdhëniet me Kinën,” shprehet Matteu Miller përmes rrjetit social Twitter pas takimit të Këshillit të Punëve të Jashtme të Bashkimit Europian.