Bordi i Transparencës nuk është më në kërkim, sot u bë i gjallë dhe tallet me shqiptarët

Ndonëse në bursa çmim i naftës ka shënuar rënie prej disa javësh, duke zbritur në nivelet e para luftës në Ukrainë, në tregun vendas karburanti vijon të jetë në nivele maksimale edhe pas vendimit të sotëm, kur Bordi i Transparencës u bë gjallë dhe vendosi të ulë çmimet.

Kështu, sipas vendimit të fundit, nafta është ulur me 4 lekë për litër dhe nga dita e sotme do të tregtohet me 236 lekë për litër, ndërsa benzina do të tregtohet me 196 lekë për litër, nga 203 sa ishte deri më tani.

Edhe çmimi i gazit ka pësuar ndryshim ndonëse është ulur vetëm me një lek, dhe duke filluar nga sot do të tregtohet me 77 lekë për litër.