Braktiset Open Balkan, Yuri Kim: SHBA, mbështetës të fortë të Procesit të Berlinit!

Ambasadorja e SHBA në Tiranë, Yuri Kim, tha sot se Shtetet e Bashkuara mbështesin fortë Procesin e Berlinit dhe arsye pse kishin mbështetur Open Balkan ishte fakti se Procesi i Berlinit nuk po lëvizte.

“Jam krenare që jemi pranë jush. Bashkimi bën fuqinë! Do të qëndrojmë bashkë dhe do të përballemi me të gjitha sfidat. Këto sfida kanë të përbashkët, duke punuar së bashku zgjedhjen janë më të afërta. Do të thoja se po përballemi me shumë rreziqe, por mundësitë për zgjedhjet janë aty. Mësuam një leksion të mirë. Mësuam se kush janë miqtë, për çfarë luftojmë dhe kush është me ne. Është shumë e qartë që SHBA dhe Shqipëria janë bashkë,” tha Ambasadorja Kim në fjalën e saj në aktivitetin për sfidat e sigurisë, organizuar nga Ministria e Mbrojtjes, ku gratë konsiderohen pjesë e rëndësishme e FA.

Me këtë rast Ambasadorja amerikane sqaroi dhe qëndrimin e Shteteve të Bashkuara ndaj Procesit të Berlinit ndërsa shqiptarët vazhdojnë të jenë konfuz në mes të të dërguarit të DASH për Ballkanin, Gabriel Escobar që mbështet Open Balkan dhe ministrisë së Punëve të Jashtme të Gjermanisë që e kundërshton këtë nismë përderisa është Procesi i Berlinit.

“Ne jemi mbështetës të fortë të Procesit të Berlinit dhe gjatë kohës kur Procesi i Berlinit nuk po lëvizte ishim mbështetës të fortë të Ballkanit të Hapur. Ne mendojmë se zhvillimet pozitive do të krijojnë më shumë prosperitet për rajonin e Ballkanit.

Vende të tjera në rajon duhet të ndjekin shembullin që ka vendosur Shqipëria, i cili është i qartë për të refuzuar përpjekjet ruse për të infiltruar në politikën e brendshme.”