Bruksel, Marta Kos: Sot është një Super e Martë për zgjerimin e BE-së
Super e Martë për zgjerimin e Bashkimit Evropian, e ka cilësuar ditën e sotme Komisionerja për Zgjerimin, Marta Kos, sot, kur priten katër konferenca anëtarësimi, moment nga i cili BE pret rezultate në terren.
“Sot është një Super e Martë për zgjerimin e BE-së. Për herë të parë në më shumë se dy dekada, po mbajmë katër konferenca pranimi në të njëjtën ditë. Katër kandidatët tanë kryesorë, Ukraina, Moldavia, Shqipëria dhe Mali i Zi, po bëjnë të gjitha hapa të mëdhenj përpara,” u shpreh përmes rrjetit social X, Komisionerja për Zgjerimin e BE-së, Marta Kos, ndërsa saktësoi d he agjendën e kësaj historike:
Today is a Super Tuesday for EU enlargement.
— Marta Kos (@MartaKosEU) July 14, 2026
For the first time in over 2 decades, we are holding four accession conferences on the same day.
Our four front runners Ukraine, Moldova, Albania and Montenegro are all taking major steps forward.
With Ukraine and Moldova, we are… pic.twitter.com/piUZLMuCYc
“Me Ukrainën dhe Moldavinë, po hapim Grupin 6, që mbulon fusha si mbrojtja dhe siguria, ku argumenti për anëtarësimin e tyre në BE është veçanërisht i fortë.
Shqipëria do të mbyllë kapitujt e saj të parë. Dhe Mali i Zi është fort në fund të negociatave zyrtare, pasi ka mbyllur 18 nga 33 kapituj,” tha Komisionerja për Zgjerimin e BE, Marta Kos, ndërsa e shoqëroi me një videomesazh duke përfunduar:
“Momenti i sotëm tani duhet të shndërrohet në rezultate në terren.”
