Bulqizë, 6 ditë i bllokuar në galeri, sot gjendet trupi i pajetë i minatorit

Sot në orët e para të mëngjesit gjendet trupi i pajetë i minatorit i cili prej 6 ditësh ishte i bllokuar në një minierë në Bulqizë.

Mësohet se trupi i pajetë i minatorit 61-vjeçar Muharrem Plaku është transportuar në morgun e spitalit të Bulqizës.

Ndryshe, minatori 61 vjeçar ishte bllokuar në galerinë e kompanisë “Kaduretex Sh.p.k” që operon në zonën e parë krom-mbajtëse të Bulqizës, pas shembjes së dherave. Për gjetjen e trupit të tij ishte angazhuar një grup kërkim-shpëtimi.