Çështja e Kosovës, Ambasadori Hill: Rusia nuk po e ndihmon Serbinë!

Rusia nuk ka rol pozitiv në çështjen e Kosovës dhe nuk po e ndihmon Serbinë, tha Ambasadori i SHBA në Beograd, Christopher Hill, duke sqaruar se Rusia e sotme është ndryshe nga ajo e kaluara, këtë e kuptojnë europianët dhe amerikanët dhe shpreson se këtë do ta kupton dhe Serbia, dhe do ti vendos sanskione për shkak të pushtimit të Ukrainës; Ndërsa hodhi poshtë konstatimin e Presidentit serb Aleksandar Vuçiç, se Serbia është nën presion të madh pse nuk i vendos sanksionet Rusise.

I pyetur nga media serbe “Insajder”nëse i kupton marrëdhëniet strategjike të Srbisë dhe Rusisë, duke pasur parasysh çështjen e Kosovës, Ambasadori Hill tha se nuk mund të thuhet se Rusia po luan rol pozitiv në lidhje me Kosovën dhe po e ndihmon Serbinë, deri sa po shkakton krizë energjetike dhe ushqimore.

“Duhet ta dini se qeveria ime është e interesuar të bashkëpunoj me pushtetet në Beograd dhe Prishtinë, si dhe me BE që të shohim nëse mund ta realizojmë një lloj përparimi, sikur mos të ishte çështje e vështirë do të ishte zgjidhur me kohë,” tha Hill ndërsa sqaroi dhe qëndrimin amerikan mbi planin franko-gjerman ku nga Serbia nuk kërkohet që të pranoj pavarësinë e Kosovës por që të mos kundërshtoj pranimin e saj në Kombet e Bashkuara dhe organizatat tjera ndërkombëtare.

“Nëse më pyesni se a do të donin amerikanët që dy vendet ta pranojnë njëra-tjetrën, natyrisht. Duhet të jemi të ndershëm dhe të qartë, shumë çështje duhet të zgjidhen para se të vijmë te ai moment duke filluar nga normalizimi i qasjes sepse aktualisht mezi kemi një marrëveshje për targat e makinave,“ tha Ambasadori i SHBA në Beograd ndërsa hodhi poshtë idenë e krijuar nga presidenti serb mbi presion e madh që ka Serbia për ti vendos sanksione Rusisë.

“Nuk besoj se ekziston presioni i madh ndaj Serbisë. Serbisë i është thënë disa herë me mirësjellje se duhet të vendos sanksionet, disa ishin më të ashpër por ekziston mirëkuptimi se Serbia është në një situatë unike,” tha Hill ndërsa ka folur dhe për faktin e proklamuar serb se Serbia është gati plotësisht e varur nga gasi rus.

“Të gjithë duhet të bëjmë përpjekje që të ndihmojmë. Mirëpo, më vjen keq, por Serbia nuk mund të thotë: ‘Ne jemi një vend i vogël dhe i varfër’. Serbia ka problemet e veta por njëkohësisht është një vend i suksesshëm. I duhet ndihma, nuk them se nuk është kështu, por edhe vendet tjera presin në radhë për ndihmë dhe duhet të ndihmojmë edhe shtetet tjera sepse Rusia energjinë e ka shndërruar në armë!”