Çfarë kërkoi Albin Kurti në Frontin kundër Trumpit?!
nga Agim Popoci
Prezenca e Kryeministrit Edi Rama në Frontin kundër Presidentit të SHBA, Donald Trump, në Barcelonë, pas shfaqjes në krah të Presidentit Trump në Bordin e Paqes, dhe, të djathtës ekstreme në Izrael ku mori pjesë në Konferencën Ndërkombëtare kundër Antisemitizmit, është një vijimësi e logjikës së liderit të tij shpirtëror, kriminelit Enver Hoxha, i cili ndjente kënaqësi ashtu si udhëheqësit e tij serb në Beograd, edhe kur rrëfenin për Revolucionin Spanjoll si një shembull i zbatimit të suksesshëm të parimeve anarkiste në praktikë, ndonëse disfata konsiderohej kryesisht si një tradhti nga komunistët autoritarë.
Edi Rama mund të jetë nisur drejt Barcelonës edhe pasi është ndikuar nga broçkulla të ngjashme komuniste, pasi ti ketë lexuar nga dora e shkrimtarit britanik George Orwell në “Homage to Catalonia”, i cili si protagonist i Luftës Civile Spanjolle, ku luftoi për disa muaj si vullnetar në anën e qeverisë republikane, prezantoi atë që ai e konsideroi padrejtësi e madhe ndaj miqve të tij nga milicia e Partisë Punëtorëve të Unifikimit Marksist, POUM, që u vranë gjatë Ditëve të Majit në Barcelonë, dhe represionet staliniste të kryera kundër shokëve të tij nga autoritetet republikane, ndonëse sot hanë debat se kush ishte më kriminel komunist, Stalini që i ndihmoi Republikanët, apo Trocki të cilin lideri i BRSS e konsideronte si trurin e Revolucionit Spanjoll me doktrinën e tij të revolucionit të përhershëm, dhe jo vetëm armikun e tij të përbetuar!
Sot, Edi Rama mund të konsiderohet edhe injorantë kur mbështetë luftën e SHBA kundër Iranit dhe shkon në një Samit në Spanjë të cilin e organizon njeriu që e kundërshton pa rezervë këtë luftë; Por, jo, ai nuk është i tillë edhe kur i drejtohet një samiti pa kuptim, ku organizatorët e të cilit, kryeministri spanjoll Pedro Sanchez dhe presidenti meksikan Luiz Inacio Lula da Silva, po krijojnë një Front kundër njeriut që e urrejnë më shumë se askënd në botë, Presidentin e SHBA, Donald Trump!
Po, Kryeministri i Kosovës, Albin Kurti, çfarë kërkon në këtë Front!
Absurditetin e këtij samiti përveç se organizohet nga e majta, nuk e tregon vetëm fakti se dy kryeministrat shqiptar as nuk e dinë se ku janë nis dhe pse!
Edi Rama thotë se mori pjesë në samitin e quajtur “Në mbrojtje të Demokracisë”, Albin Kurti në “Mobilizimin Global Progresiv”, por në fakt ata ishin pjesë e një samiti ku u themelua Fronti kundër Trumpit!
Edi Rama mund të vazhdoj ashtu si paraardhësi i vetë Emver Hoxha të vendos gjithçka që i thotë Beogradi, ndërsa ngatërron mediat që ka nën kontroll se aty ka gisht i biri i familjes më të rrezikshme për kombin shqiptar, Alex Soros, por, Albin Kurti çfarë kërkon kur Qeveria e Kosovës nuk drejtohet nga Beogradi dhe kurrë për asnjë rast nuk vepron kundër idesë së Presidentit të Amerikës!
Dyshimet bëhen edhe më serioze kur para pjesëmarrjes në këtë Front, Parlamenti i Kosovës miraton pjesëmarrjen e FSK-së në Gazë, projekt ky i hartuar nga Bordi i Paqes ku Kosova është anëtare, dhe një ditë pas përfundimit të këtij samiti, Qeveria e Kosovës e shpallë organizatë terroriste Korpusin e Gardës Revolucionare Islamike të Iranit, IRGC, që për Kryeministrin e Spanjës, Pedro Sanchez, është një gardë që mbron sovranitetin dhe integritetin territorial të Iranit, të cilin e ka shkelë Presidenti i SHBA, Donald Trump!
Dhe, po në këtë samit, kërkohet përjashtimi i SHBA nga Këshilli i Sigurimit, duke e konsideruar shtet anëtar që filloi luftë ashtu si dhe Rusia!
Kur shohim shtetet pjesëmarrëse në këtë samit dhe mungesën e liderëve e rëndësishëm socialistë evropianë e bënë më të gërditshëm qëllimin e këtij Fronti, jo siç e komentuan analistët evropian dhe ata spanjoll, meqë po organizohet në momentin kur të gjitha sondazhet e nxjerrin Pedro Sanchezin humbës absolut të zgjedhjeve të radhës!
Në rastin më të mirë, Albin Kurti mund të ishte i paqartë kur u nis drejt Barcelonës dhe mund të jetë këshilluar për fat të keq nga sorosistë e surroistë për pjesëmarrje në një takim me liderë socialistë evropian që nuk u panë asgjëkundi!
Ose, ndoshta Albin Kurti e kishte për qëllim ti kthente përgjigje, prezencës spektakolare të Presidentes Vjosa Osmani në Bordin e Paqes në Amerikë, në krah të Presidentit Donald Trump!
Por, sot, Kryeministri i Kosovës, Albin Kurti, para se të arsyetohet me faktin se në këtë samit ishin prezent edhe Ish-Sekretarja e Shtetit, Hillary Clinton ose dhe senatori amerikan Chris Murphy, duhet të jetë më i kujdesshëm se kurrë, të lexoj me kujdes shtetet pjesëmarrëse në këtë Front, sepse së shpjeti mund ti vijë ftesa për BRICS, forum ky i themeluar vetëm për interes të Rusisë dhe Vladimir Putinit, ku pavarësisht se ideja është e ekonomistit Jim O’Neill nga Banka e investimeve shumëkombëshe me qendër në Amerikë “The Goldman Sachs”, mos të marr vendimin që të marr pjesë i ndikuar nga disa liderë të shteteve që jorastësisht janë edhe në Frontin e Sanchezit, ose dhe ndikimit të pjesëmarrësit më të ri nëse i bëhet ftesa dhe ai e pret krahëhapur, Edi Rama!
Dhe, me marrjen e vendimit, të filloj të mbajë ligjërata mbi rolin minor të Rusisë dhe Putinit, duke na folur për vizion ekonomik global dhe pragmatizmin në kohë trazirash gjeopolitike se ku përfundon Evropa, kur çdo shqiptar, edhe ai në barkun e nënës e ka të qartë se, pa Amerikën:
Ku përfundon Kosova!
