“Chatham House”, Albin Kurti: Siguria, themeli mbi të cilin mund të rritet Kosova!

Siguria është themeli mbi të cilin mund të vazhdojë të rritet Kosova, tha Kryeministri Albin Kurti në konferencën e organizuar nga Instituti i Politikave “Chatham House”, ku u diskutua mbi Kosovën dhe gjeopolitikën evropiane.

“Siguria e Kosovës dhe mbështetja për të është themeli mbi të cilin vendi ynë mund të vazhdojë të rritet. Falënderoj ChathamHouse dhe UCL për ftesën në një panel ku u diskutua mbi Kosovën, gjeopolitikën evropiane dhe më shumë,” tha Albin Kurti përmes një postimi në rrjetin social X.

Ndryshe, Kryeministri i Kosovës, Albin Kurti, ka udhëtuar për një vizitë njëditore në Mbretërinë e Bashkuar, ku përveç pjesëmarrjes në konferencën e organizuar nga Instituti i Politikave ‘’Chatham House’’, ka pasur takime dhe me zyrtarë të institucioneve britanike.