Daniel Serwer: Vuçiç është i intersuar ta pushtojë veriun e Kosovës!

Pritshmëritë për takimin e radhës në mes të Kryeministrit të Kosovës, Albin Kurti, dhe Presidentit të Serbisë, Aleksandar Vuçiç, në Bruksel, për profesorin e Universitetit “John Hopkins” në Washington, Daniel Serwer, është e ulët dhe nuk sheh përgatitje për një rezultat të suksesshëm nga të dyja palët sepse nuk shihet ndonjë reflektim i madh.

“Nuk shoh diçka të madhe nga ana e Beogradit, por as ndonjë veprim serioz sa i përket Asociacionit, thjeshtë nuk shoh ndonjë përpjekje për ndonjë kompromis,” tha Daniel Serwer për televizionin publik të Kosovës, RTK, ndërsa telefonatat që merr Kryeministri Albin Kurti nga përfaqësues dhe emisarë ndërkombëtarë, për Serwerin është një dozë e madhe e presionit mbi Kryeministrin Kurti.

“Kemi parë disa nga pasojat, tashmë, dhe do të mund të kishte akoma, por nuk mendoj se do të funksionojnë, ngase as Prishtina e as Beogradi nuk janë të gatshëm për kompromis.”

Sipas profesorit në Universitetin “John Hopkins” në Washington, Beogradi është duke gëzuar mbështetje të madhe nga SHBA dhe BE pa pasoja, sidomos për sulmin ndaj trupave të NATO-s, apo për rrëmbimin e zyrtarëve policorë.

Sjellja e Serbisë është konsistente dhe nuk ka gatishmëri për kompromis, derisa ka nevojë për zgjidhje të shumë çështjeve, vlerëson profesori i Universitetit “John Hopkins” në Washington, Daniel Serwer, duke përfunduar:

“Vuçiç e ka bërë të qartë se nuk është i gatshëm ta njohë Kosovën dhe në mënyrë të qartë thekson se është i interesuar për ta mbajtur veriun, për të pushtuar atë dhe unë mendoj se ka mundësi ta bëjë.”