Danimarka paralajmëron JO për hapjen e negociatave për Shqipërinë…

Me grupin e vendeve skeptike për hapjen e negociatave me Shqipërinë duket së është bashkura edhe Danimarka.

Mediat bullgare citojnë Kryeministrin danez, Lars Løkke Rasmussen, të ketë thënë se nuk mendon se do ta mbështetë nismën për zgjerimin e Bashkimit Evropian, në Samitin e qershorit.

“Jo, nuk mendoj se do ta mbështes këtë nismë. Ne duhet të jemi të sinqertë në lidhje me këtë çështje”, ka deklaruar Rasmussen.

Sipas tij, BE-ja nuk duhet t’i përsëritë gabimet, duke përmendur edhe bisedimet për anëtarësim të Turqisë në BE.

Duket se Danimarka de fakto është futur në grupin e vendeve skeptike me Francën dhe Holandën, të cilat shprehim rezerva serioze rreth zgjerimit të BE-së me Ballkanin Perëndimor, ku Serbia dhe Mali i Zi, i kanë filluar bisedimet, kurse Shqipëria, Maqedonia e Turqia janë vende kandidate, dhe presin të marrin një datë për të filluar bisedimet.