DASH e falënderon Kosovën që e shpalli IRGC-në organizatë terroriste
Shtetet e Bashkuara kanë vlerësuar Kosovën për qëndrimin e saj të qartë kundër terrorizmit. Vlerësimi vjen pas vendimit të Qeverisë së Kosovës për shpalljen e Gardës Revolucionare Islamike të Iranit, IRGC, si organizatë terroriste.
Byroja për Antiterrorizëm në Departamentin Amerikan të Shtetit, thekson se ky hap shihet si një tregues i përkushtimit të Kosovës ndaj sigurisë ndërkombëtare dhe luftës kundër terrorizmit.
“Faleminderit Kosovës për qëndrimin kundër terrorizmit dhe për shpalljen e IRGC-së si organizatë terroriste,” shprehet Departamenti i Shtetit përmes rrjetit social X.
Ndryshe, më 20 prill Qeveria e Kosovës ka marr vendim për shpalljen e Organizatës së Trupave të Gardës Revolucionare Islamike, IRGC, si organizatë terroriste në territorin e Kosovës.
