DEA në Spanjë, arrestohen 2 serbë me 560 kg kokainë
Shtetasit e Serbisë, N.D. 37 vjeç dhe P.P. 36 vjeç, janë arrestuar në Spanjë pasi policia lokale në bashkëpunim me Agjencinë amerikane të Antidrogës, DEA, kanë kofiskuar 560 kg kokainë.
Në aksionin e koduar “Dinastia” janë arrestuar edhe katër shtetas të Spanjës, bënë të ditur e përditshmja spanjolle Zëri Galicias duke shtuar se besohet që ky grup kriminal është i lidhur me të ashtuquajturin “kartel ballkanik”.
Mediat spanjolle raportojnë se të arrestaurit janë anëtarë të grupit “Pastiçerët” e cila vepron në Rías Baixas në Galicia dhe drejtohet nga Gerardo Rial Iglesias, 41 vjeç.
Dyshohet se Gerardo Rial ka 25 që vjet trafikon drogë në bashkëpunim me kartelin ballkanik, ka bërë të ditur garda spanjolle civile.
Zëri Galicias thekson se autoritet policore besojnë se grupet kriminale, prapa së cilave qëndrojnë njerëz nga Evropa lindore, po marrin rëndësi gjithnjë e më të madhe në importin dhe shpërndarjen e kokainës nga Amerika Latine.
“Bregu i Galicias për shkak të pozitës është bërë njëra ndër pikat kyçe për futjen e kokainës në Evropë. Karteli ballkanik ka njerëzit e tij në Amerikën jugore, kështu që nuk përdorin ndërmjetësit për blerjen e kokainës, e në Spanjë kanë rrjetin e tyre të bashkëpunëtorëve,” thekson policia spanjolle.
Me rastin e konfiskimit të 560 kg kokainë, Zëri i Galicias raporton se droga ishte gjetur në një shtëpi bosh në Galicia, e vlera e saj kap vlerën e 15 mln eurove.
