DEA në Tiranë, thirrje qytetarëve: Denonconi trafikun e drogës dhe pastrimin e parave!

Duke bërë të ditur hapjen e një linje të re sinjalizimi për Shqipërinë, Agjencia e SHBA Kundër Narkotikëve, DEA, i bënë thirrje qytetarëve të denoncojnë rastet e trafikut të drogës dhe pastrimit të parave ndërsa garantojnë se të dhënat e tyre do mbahen të fshehta.

“Agjencia e SHBA Kundër Narkotikëve njofton një linjë të re sinjalizimi për Shqipërinë. DEA nxit këdo që ka informacion në lidhje me trafikun e drogës ose pastrimin e të ardhurave nga droga ta ndajë informacionin me personelin e DEA-s,” shprehet Ambasada amerikane në Tiranë përmes një njoftimi në rrjetin social Facebook duke garantuar se të gjitha të dhënat do të mbahen të fshehta ndërsa përfundon:

“Shtetet e Bashkuara janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me to, për një të ardhme më të mirë për të gjithë shqiptarët.”

Deklaratë:

Agjencia e SHBA Kundër Narkotikëve njofton një linjë të re sinjalizimi për Shqipërinë. DEA nxit këdo që ka informacion në lidhje me trafikun e drogës ose pastrimin e të ardhurave nga droga ta ndajë informacionin me personelin e DEA-s në WhatsApp në:

+1 571 502-7846

ose me email në:

albania_DEA_tipline@state.gov

Të gjitha të dhënat do të mbahen të fshehta. Shtetet e Bashkuara janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me to, për një të ardhme më të mirë për të gjithë shqiptarët.