Debate në grupin e PD/ Basha: Jemi kundër financimit të TV private me paratë publike

Partia Demokratike do të jetë kundër pr/ligjit të propozuar nga qeveria për TVSH, ku ndër të tjera përcaktohet pagesa e televizioneve private me paratë publike.

Në mbledhjen e sotme të grupit parlamentar, Kreu i PD-së, Lulzim Basha u shpreh kategorikisht kundër një propozimi të tillë, edhe pse në rradhët e deputetëve demokratë ka pasur mbështetje lidhur me atë ccka diskutohet dhe propozohet nga qeveria.

Sikundër raportohet, deputeti Ervin Salianji ka mbështetur idenë që televizionet private nëse do të marrin para nga ligji dhe jo nga qeveria, sikundër ndodh tani, do të jenë më pak të varura.

Debatet në grup

Lulzim Basha: Qëndrimet kryesore për këtë javë në komisione do të jenë Xhafaj, Tahiri, afera e Air Albania. Rama po tradhëton Shqipërinë për Xhafajn dhe Tahirin, Rama ka ekzekutuar Gjykatën Kushtetuese.

Diskutimi për Teatrin Kombetar është një zhvatje e tokës publike dhe histori e pastër korrupsioni ku kërkojnë të marrin tokën për të përfituar miliona euro, qëndrimi për projektligjin e propozuar për Tvsh ne jemi kundër që me paratë publike të paguhen TV private.

Albana Vokshi: Është skandaloze që paratë e taksave të qytetareve të shkojnë për të blerë mediat nga qeveria.

Ervin Salianji: Kryetar, mendoj që këtë duhet ta diskutojmë dhe të dalim me qëndrim të plotë Televizioni publik është një shërbëtor i ndyrë i qeverisë. Televizioni publik shqiptar me taksat e qytetarëve nuk po i shërben publikut, e nuk ka asnjë vlerë publike përvec shërbesës që i bën qeverisë dhe përvecc korrupsionit që bëjnë drejtuesit e televizionit nëpërmjet blerjes së gazetarëve apo nëpërmjet punësimeve duke e trajtuar si me privat se privatet.

Ne duhet të dalim me propozim konkret, që ose mos paguhet asnjë taksë sepse paratë e taksapaguesve nuk sjellin asnjë të mirë publike dhe nuk japin asnjë kontribut për publikun, ose të propozojmë me ligj që paratë e taksapaguesit ti marrin tv private duke i kushtëzuar me disa hapësira të detyrueshme në shërbim të publikut. Nëse tv private marrin para nga ligji dhe jo nga qeveria me VKM ose nepërmjet lejeve apo favoreve të tjera, besoj se do jenë më pak të varura se sot. Me shumë i shërbejnë shqiptarëve nëse manaxhohen me cilësi dhe me kushte nga TV private sesa si televizion që e paguajnë shqiptarët për propaganda qeverie.

Albana Vokshi: Duhet të jemi absolutisht kundër, kjo cënon pavarësinë e mediave dhe qeveria ble mediat

Lulzim Basha: Do ta diskutojmë kur ta kemi në rend dite por ne jemi kundër në mënyre kategorike që taksat e qytetarëve të paguajnë televizionet.