VIDEO/ Protesta e artistëve, Kabashi: Jemi njëlloj si në diktaturë…

Artistët dhe aktorët, të mbështetur nga qytetarët dhe shoqëria civile, kanë vijuar edhe sot pasdite protestën e tyre, kundër shembjes së Teatrit Kombëtar.

Aktori i njohur Mirush Kabashi ndërsa u shpreh se është kundër prishjes së godinës së Teatrit Kombëtar dhe pranon rikonstruktimin e tij, tha se problemin mos ta trajtojmë në baza shembujsh e shifrash, por në baza parimesh.

“Nëse merrej një vendim duhej marrë i diskutuar me komunitetin e artistëve, nëse duhet të rikontruktohet ky teatër apo të ndërtohet një nga e para.

Nëse bie dakord duhet të jetë në projektin që do bëhet e gjithë sipërfaqja e teatrit ekzistues.

Për mua ky duhet të rikonstruktohet si teatër se ka një histori të lavdizhme, ky teatër është Meka e kulturës shqiptare.

Veliaj u përpoq të na kujtojë se është rritur buxheti për kulturën por ne i kujtuam se Kosova e ka dy herë më të madh buxhetin për kulturën, ndërsa Maqedonia 3-4 herë.

Është një turp për politikën shqiptare që ne artistëve na kanë imponuar një ligj diktatorial, se nuk më del inati në këtë mes. Ne atëherë konsideroheshim ndihmës të partisë në edukimin e masave, se ajo bënte politikën për artin dhe artistët duhet të prodhonin një art të lustruar socialist, jo realist.

E sot pas 30 vetesh, politikat e artit i vendos qeveria në mbledhjet e qeverisë. Nuk duhet të ketë politikë qeveritare apo partiake për artin, ai duhet t’i nënshtrohet vetëm Kushtetutës,” tha Kabashi.