Dështon tryeza për Presidentin, Isa Mustafa: Po shkojmë drejt zgjedhjeve!
Javë më parë paralajmëroj organizmin e një tryeze me partitë politike për të diskutuar lidhur me çështjen e zgjedhjes së Presidentit të ri të Kosovës, por tashmë kryetari i LDK Isa Mustafa e pranon se nuk ka gatishmëri të partive politike për një tryezë e tillë dhe se po shkohet drejt zgjedhjeve.
“Jam në kontakte me subjektet politike parlamentare, përveç LVV-së. Nuk ka akoma një gatishmëri për tryezë në të cilën merr pjesë edhe opozita ose një pjesë e saj,” tha Isa Mustafa, raporton RTK, duke shtuar se ka këmbëngulje nga disa parti që të votojnë vetëm kandidatin e tyre për president dhe jo ndonjë kandidat tjetër.
“Ka deklarata dhe këmbëngulje publike se votojnë vetëm kandidatin e tyre për president dhe jo të një subjekti tjetër. Kjo dëshmon se beteja po zhvillohet në media dhe në debate, por se akoma nuk ka gatishmëri për tryezë. Koha po ikën dhe po rrëshqasim në zgjedhje.”
Ndryshe, deri më sot, AAK ka propozuar kryetarin e saj Ramush Haradinaj si kandidat për President, kaniddaturë e cila ka shkaktuar shumë reagime ndërsa PDK që kishte postin e presidentit nuk do të bëhet palë e një procesi që do të prodhonte një president që thellon përçarjen e brendshme dhe e izolon Kosovën jashtë.
Ndërkohë për ujkun e vjetër komunist dhe shkatërruesin e sistemit politik të Kosovës, Isa Mustafa, bashkëpunëtorët e tij të ngusht janë shprehur se është një kandidaturë serioze për President!
