Dhjetë minatorë të Trepçës të lënduar, marrin trajtim mjekësor

Dhjetë minatorë janë të lënduar, ka konfirmuar Drejtoresha e Spitalit të Mitrovicës, Laura Nushi, pas incidentit që ndodhi në minierën e Trepçës duke saktësuar se dy minatorë janë me lëndime në sy dhe janë hospitalizuar në Repartin e Oftalmologjisë, ndërsa tetë të tjerë priten të lëshohen në shtëpi me lëndime të lehta.

Ndërkohë Destan Kerleshi nga Sindikata e minatorëve të Trepçës ka konfirmuar për televizion publik të Kosovës, RTK, se shtatë minatorët e lënduar janë në gjendje të rëndë pasi u ka rënë acidi në trup, dhe se janë duke u trajtuar në Spitalin e Mitrovicës.