Dhjetëra milionë euro tendera, banorët s’kanë energji! Luan Baçi: OSSHE Fier po favorizon…
Në kohën kur çdo vit jepen dhjetëra milionë euro tendera, sërish OSSH del me humbje dhe banorët e Fierit kanë probleme me energjinë, deputeti i Partisë Demokratike, Luan Baçi, i drejtohet përmes një kërkese Administratorit të OSSHE, Adrian Çela, për informacion mbi tenderat e prokuruar nga ky institucion pasi ekzistojnë dyshime se Drejtori i OSSHE Fier ka favorizuar të afërmit e tij për përfitimin e këtyre tenderave korruptiv.
Konkretisht, Luan Baçi kërkon informacion për numrin e procedurave tenderuese të kryera nga OSSHE nga viti 2016 deri më sot:
“Kompanitë që kanë fituar, sa nga këto procedura janë fituar nga kompania AA&P, dhe a janë zbatuar kërkesat ligjore për konfliktin e interesit në këto procedura,” thekson deputeti i PD, Luan Baçi, në kërkesën drejtuar Administratorit të OSSHE, Adrian Çela.
