Ftesë, Berisha: Më 7 Korrik, të gjithë në protestën kombëtare para kryeministrisë!

Me këtë foto dhe një përshëndetje të përzemërt shoqëruar me ftesë miqësore për tu mbledhur të gjithë në protestën kombëtare me 7 Korrik në orën 19:00 para kryeministrisë, Kryetari i Partisë Demokratike, Sali Berisha, e nis ditën e sotme duke ju dërshiruar të gjithë shqiptarëve kudo që janë, një fundjavë të mbarë!

Ndërkohë për mbrëmjen e sotme, në orën 20:00, Kryetari i PD, fton të gjithë ata që jetojnë jashtë vendit, në një bashkëbisedim online përmes rrjetit social Facebook, mbi zhvillimet më të fundit në Shqipëri dhe sfidat e diasporës shqiptare.

“Jeni të ftuar të merrni pjesë me mesazhet dhe pyetjet tuaja kudo ndodheni, në Europë, ShBA apo Australi. Lidhjen do ta bëjmë nga selia qendrore e Partisë Demokratike bashkë me përfaqësues të Frontit për Shpëtimin Kombëtar,” thekson Kryetari i PD, Sali Berisha duke dhënë dhe oraret për shtetet respektive:

Tiranë, Bruksel, Berlin – ora 20:00

Londër – ora 19:00

Nju Jork – ora 14:00

Teksas – ora 13:00

Ju faleminderit!