Dialog në gurë, Edi Rama i papërgjegjshëm në kërkim të fijes së kashtës!
Dialogun që nuk e njohu kurrë për 28 vjet e 4 muaj që hyri në politikë, as për Teatrin, as për Opozitën, as për Studentët, as për Kodin Zgjedhor, dhe së fundi as për Reformën Territoriale, e kërkon sot kur fëmijët 4 vjeçar që kishin filluar të shkojnë në kopsht dhe Edi Rama u bë Kryeministër, kërkojnë dorëheqjen e tij sepse u rritën me gënjeshtrat e tij dhe krimin që i fiton zgjedhjet sa herë të merr urdhër!
Sot, kur dëboi mbi 1 milion shqiptarë dhe shkatërroi vendin, Edi Rama përballë revoltës studentore po përpëlitet në kërkim të fijes së kashtës duke u shfaqur si njeri i dialogut sepse rrëfimi i njeriut modern me çorape të bojatisura nuk shitet më, as Lana dhe as Parku Rinia, sepse i ka mbuluar betoni ashtu siç i ka mbuluar premtimet e vitit 2013 kur erdhi në pushtet falë bashkimit të të gjitha qelbësirave!
Sot, Tirana dhe Shqipëria mbajnë erë shumë më të keqe se komunizmi ndonëse të gjitha qelbësirat nuk i ka në krah sepse populli shqiptar nuk është një Ambasador injorant që zvarritet për një kredencial, as pronar medie që bie në gjunjë për një leje ndërtimi, dhe as një skafist i gatshëm për të vrarë këdo për një parcelë marijuane, sot, populli shqiptar është ai që vuan nga qeveria kriminale e Edi Ramës dhe nga ky Kryeministër i papërgjegjshëm nuk pret as kronikë dhe as dialog në gurë, por, dorëheqje!
