Digjet një depo e Elkos në Pejë, 8 të plagosur

Një depo e kompanisë Elkos në Pejë u përfshi nga zjarri kur për pasojë 8 persona përfunduan Spitalin e Përgjithshëm në Pejë.

“Pacientët janë duke u trajtuar tek spitali ynë dhe gjendja e tyre është stabël, jashtë rrezikut për jetë. Ata janë raste kryesisht të helmuar nga tymi,” thuhet në njoftimin zyrtar të Spitalit të Përgjithshëm të Pejës.

Ndërkohë që zjarrfikësit po luftojnë me flakët që kanë përfshirë depon e kompanisë Elkos në Pejë. shtëllungat e dendura të tymit kanë shkaktuar panik ndër qytetarët e zonës ndërsa Policia e Pejës dhe zjarrfikësit dolën menjëherë në vendin e ngjarjes.

“Deri tani nuk dihet nga ka ardhur zjarri dhe nuk ka informacion për persona të lënduar,” tha zëdhënësi i Policisë së Pejës, Fadil Gashi.