Distria Krasniqi e artë në “Jerusalem 2022”
Xhudistja nga Kosova, Distria Krasniqi, fiton medaljen e artë në mastersin e xhudos “Jerusalem 2022” në kategorinë deri në 52 kilogramë.
Me këtë fitore, Distria Krasniqi ka fituar edhe 1.800 pikë olimpike për Olimpiadën që do të mbahet në Paris të Francës më 2024.
Në Lojërat Olimpike që u zhvilluan në vitin 2021 në Tokio të Japonisë, Distria Krasniqi fitoi medaljen e artë. Dhe, për vitin 2021, Federata Ndërkombëtare e Xhudos e shpalli Krasniqin xhudisten më të mirë në botë.
Ndryshe, në “Jerusalem 2022” garoi dhe xhudistja Nora Gjakova, që zuri vendin e pestë dhe fitoi 648 pikë olimpike ndërsa në garë janë xhudistet, Laura Fazliu dhe Loriana Kuka.
