Dita e 20-të e Kupës së Botës 2026, Franca favorite, Ekuadori në kërkim të mrekullisë së radhës
Dita e 20-të e Kupës së Botës 2026 ka Francën si favoriten e vetme deri sa të filloj ndeshja, por, pas eliminimit të Gjermanisë dhe Holandës, asgjë më nuk është e sigurt. Gjithësesi, kjo ditë e madhe futbolli fillon në orën 19:00 me përballjen në mes të Norvegjisë dhe Bregut të Fildishtë, pas tyre vjen ndeshja e orës 23:00 në mes të Francës dhe Suedisë, dhe kjo ditë e fazës eliminatore përmbyllet me ndeshjeshjen e orës 03:00, në mes të Meksikës dhe Ekuadorit.
Bregu i Fildishtë tregoi se nuk ishte rastësi që mbërriti në Amerikë si një nga ekipet më të mira afrikane. Ata mposhtën Ekuadorin në hapje të turneut me një rezultat minimal, kryesuan për një kohë të gjatë kundër gjermanëve dhe u dorëzuan në fund fare, pastaj mposhtën rutinisht Curacaon dhe vazhduan me gjashtë pikë.
Deri në vitin 2006, Bregu i Fildishtë nuk kishte marrë pjesë kurrë në më të mirët e botës, dhe më pas i pamë tre herë radhazi. Edhe pse brezi që veshi fanellën portokalli në periudhën 2006-2014 kishte emra vërtet mbresëlënës, ata kurrë nuk arritën të kalonin grupin.
Norvegjia mungoi në Kupën e Botës për 28 vjet. Norvegjezët tundën rrjetën e kundërshtarit plot 37 herë gjatë kualifikueseve, dhe Erling Holland kontribuoi në 16 prej tyre. Ata shtuan edhe tetë të tjera në turne, kështu që është e qartë se mbrojtja e Bregut të Fildishtë do të vihet në provën më të madhe deri më tani. Megjithatë, është e qartë se ky është një nga duelet më interesante në raundin e 16-të dhe se na pret një ndeshje emocionuese.
Në këtë Kupë të Botës, Franca arriti të tre fitoret në fazën e grupeve dhe shënoi dhjetë gola, që është njëra ndër performancat më të mira ndër ndeshjet në grupe. Kështu, për herë të parë që nga viti 1998, francezët e përfunduan fazën e grupeve të Kupës së Botës me një maksimum prej nëntë pikësh.
Suedia e përfundoi pjesën e parë të turneut me një fitore, një barazim dhe një humbje. Edhe pse nuk zuri një nga dy pozicionet e para në grup, me shtatë gola vendosi një rekord të ri kombëtar në fazën e grupeve të Kupës së Botës. Ekipi i Graham Potter luan hapur dhe në mënyrë ofensive, gjë që tregohet më së miri nga fakti se në nëntë ndeshjet e fundit ata kanë shënuar dhe kanë pësuar të paktën një gol.
Meksika e përfundoi fazën e grupeve me një maksimum prej nëntë pikësh dhe pa pësuar asnjë gol, ndërsa Ekuadori hyri në fazën eliminatore si një nga përzgjedhjet më të mira të vendit të tretë, me katër pikë të fituara.
Pas përmbysjes së madhe kundër Gjermanisë, Ekuadori pret mrekullinë e radhës, ndërsa meksikanët janë përballë një detyre shumë më të vështirë sesa flet rezultati i Meksikës deri më sot në këtë Kupë të Botës.
