Dita e 22-të e Kupës së Botës 2026, derbi Kroaci – Portugali, Spanja me detyrë të lehtë

Padyshim derbi i Ditës së 22-të të Kupës së Botës 2026 është përballja e Kroacisë me Portugalinë që zhvillohet pas mesnatës, në orën 01:00 ndërsa detyrën më të lehtë e ka Spanja e cila pret Austrinë në ndeshjen e orës 21:00. Dita përmbyllet me përballjen e orës 05:00 në mes të Zvicrës dhe Algjerisë.

Spanja pas një paraqitje të jashtëzakonshme me dy fitore dhe një barazim dhe si kurrë më parë duke mos marrë asnjë gol në fazën e grupeve, nuk ka ndonjjë detyrë të vështirë përballë Austrisë, megjithëse po përballet disa lëndime të lojtarëve që nuk duhet t’a pengojë që të kaloi këtë fazë eliminatore. Konkretisht, trajneri i Spanjës, Luis de la Fuente, po përballet me dëmtime të Nico Williams, Jeremy Pino dhe Victor Munoz dhe i ka mbetur vetëm një yll në pozicionin e sulmuesit të krahut, Lamin Jamal. Kupa e Botës nuk mbaron sot por është e vështirë të thuhet se kur mund të kthehen në fushë.

Përballja e orë 01:00 pas mesnatës, Kroaci-Portugali, pa asnjë dyshim është derbi i këtij raundi të Botërorit, aq më shumë kur dihet se udhëheqësit e dy ekipebe të mëdha kombëtare që përplasen sot, Luka Modriç dhe Cristiano Ronaldo, do luajnë kampionatin e tyre të fundit Botëror.

E veçanta e dy kombëtareve në këtë Kampionat është se asnjëra prej tyre nuk shkëlqyen në fazën e grupeve. Kroacia pësoi një humbje 4:2 kundër Anglisë, ndërsa Portugalia u turpërua kundër Kongos 1:1 dhe Kolumbisë 0:0. Fituesi i kësaj ndeshjeje do të përballet me fituesin e ndeshjes Spanjë-Austri.

Në fund, në ndeshjen e orës 05:00, Zvicra është favorit për shkak të përvojës që ka në garat e mëdha, po deri më sot ekipi i Murat Jakin nuk është se ofroi nivelin e pritur të lojës në Kupën e Botës. Ky fakt, i jep dhe shpresë ekipit kombëtar të Algjerisë për të bërë surprizën e radhës në këtë Botëror.