Dita e 24-të e Kupës së Botës 2026, Kanadaja para një sfide të vështirë, Mbappe vazhdon garën me Messin
Sot në Ditën e 24-të të Kupës së Botës 2026, Kanadaja dhe Maroku hapin në orën 19:00 garën për tetë më të mirët e këtij Botërori. Përballja e dytë e kësaj dite luhet në orën 23:00 në mes të Francës dhe Paraguayit.
Në përballjen e parë, skuadra marokene është favorite për disa arsye. Afrikanët treguan një lojë më të mirë gjatë turneut deri më tani, ku eliminuan Holandën dhe mbetën të pamposhtur kundër Brazilit, ndërsa mposhtën me shumë lehtësi Haitin dhe Skocinë. Dhe, përveç skuadrës më të mirë, Maroku ka më shumë përvojë në fazën finale të Kupës së Botës, ku në Kupën e fundit të Botës në Katar në vitin 2022 arritën të fitojnë vendin e katërt .
Ndërkohë Kanadaja arriti në fazën eliminatore si rezultatin më të mirë në histori, dhe deri më sot lojën më të mirë e treguan kundër Katarit me fitore bindëse 6:0.
Franca deri më sot e ka justifikuar përcaktimin si një nga favoritët kryesorë për të fituar Kupën e Botës, por sot ka përballë Paraguayin i cili eliminoi Gjermaninë në këtë kampionat. Kështu, Francën e pret një sfidë e vështirë ndërsa Paraguayin një mundësi e dytë për surprizë të madhe.
Nga ana tjetër kemi dhe një garë tjetër në këtë përballje! Deri mësot Kylian Mbappe ka shënuar gjashtë gola dhe gjithsej 18 në shfaqjen më të madhe të futbollit, duke vazhduar garën me Lionel Messin, i cili është golashënuesi më i mirë i këtij Kampionati me shtatë gola të shënuar dhe gjithsej 20 gola në Kupën e Botës.
