Dita e 29-të e Kupës së Botës 2026, me fitoren e Mbappe apo mrekullinë e Marokut
Në Ditën e 29-të të Kupës së Botës 2026 luhet ndeshja për gjysmëfinalistin e parë të këtijj Botërori ku Franca ka përballë Marokun, trajneri i së cilës, Mohamed Ouahbi, nga 26 lojtarë ka përzgjedhur 6 prej tyre që kanë lindur në Francë, madje nga dy prej tyre varet edhe fati i ndeshjes në orën 22:00, Issa Diop dhe Ayyoub Bouaddi; Por, jo vetëm ky fakt e bënë dallimin nga përballja e ngjashme në Botërorin e kaluar në Katar në vitin 2022, sepse në ekipin e sotëm të kombëtares marokene kemi vetëm dy lojtarë të lindur në Marok që pritet të jenë titullarë, Unahi dhe Rahimi, që tejkalon dhe gjithë imagjinatën e atyre që flisnin deri më sot mbi kombëtaret e Gjermanisë, Anglisë, si dhe Francës, që luan sot.
Mediat e shumta botërore shkruajnë me superlativa për lojën e Marokut, por, Mundo Deportivo e famshme ndoshta evokon më qartë potencialin e kësaj kombëtare.
– Maroku është po aq argëtues për t’u parë sa “Blutë”. Krahasuar me ekipin që humbi ndaj Francës në gjysmëfinale në Katar, performanca e tyre më e mirë në Kupën e Botës, kjo është një skuadër që luan futboll sulmues. Në Katar, ata kishin një përqindje të zotërimit të topit prej 38.4%, ndërsa në Kupën e Botës 2026 dominojnë në atë segment me 60.4%.
Trajneri Mohamed Ouahbi i ka çliruar talentët marokenë nga frika e humbjes, i ka ushqyer imagjinatën e tyre me stil loje të rrugës dhe të shkujdesur, me një estetikë që është gjithashtu produktive. Është kënaqësi të shikosh Brahim Diaz ose El Khannouss të luajnë, por ai që shpërtheu në skenë si Kupidi, duke na lënë të gjithëve të mahnitur, është Bouaddi. Elegant, inteligjent, fluid dhe larg provokimit, megjithëse futbolli i tij është aq dominues dhe i larmishëm sa është shqetësues. Bouaddi mund të kishte luajtur për Francën e Deschamps.
Përzgjedhësi Ouahbi është i dashuruar me “matematikanin” e ri; admirojnë futbollin e tij, aq të ndikuar nga aritmetika, dhe akoma më shumë aftësinë e tij për të kontrolluar ritmin e lojës. Por Bouaddi, ashtu si Bryan para tij, zgjodhi ta nderonte më shumë familjen e tij duke zgjedhur ekipin kombëtar të prindërve të tij, gjuhën e tij amtare, prejardhjen e tij dhe kulturën e tij.
Lojtari i fundit i madh me origjinë nga Maghrebi që zgjodhi të luante për Francën ishte portieri Adil Rami, një ish-lojtar i Valencias dhe fitues i Kupës së Botës në vitin 2018 – shkruan gazeta sportive katalanase, Mundo Deportivo.
Por, nuk duhet harruar henidakpin e madh që ka kombëtarja marokene pasi golashënuesi më i mirë i ekipit, Ismael Saibari, nuk arriti të rikuperohej nga dëmtimi dhe nuk do të jetë në garë për ndeshjen e sotme të orës 22:00.
Nga ana tjetër, më pak flitet për kombëtaren franceze dhe më shumë për treshen Dembele – Olise – Mbappe e cila rezultoi e pandalshme; Ndërkohë Mbappe vazhdon edhe garën me Messin, Haaland dhe Kane, për çmimin prestigjioz të golashënuesit më të mirë në Kupën e Botës 2026.
