Dita e Flamurit, Presidentja e Kosovës: 28 Nëntori, ditë reflektimi për heronjtë tanë!
Pasi bëri homazhe te Kompleksi Memorial “Adem Jashari” në Prekaz me Kryetarin e Parlamentit, Glauk Konjufca, me rastin e 28 Nëntorit, Dit së Flamurit, Presidentja e Kosovës, Vjosa Osmani, tha se e këtë ditë historike e nisin duke nderuar figurën dhe familjen po aq historike, sa edhe vet flamuri kuq e zi, familjen Jashari, që, njëkohësisht, për të shënuar ditëlindjen e komandantit legjendar, Adem Jasharit dhe daljen e parë publike të daljes së Ushtrisë Çlirimtare të Kosovës më 28 Nëntor, 1997.
Presidentja e Kosovës tha se është pikërisht flamuri kuq e zi dhe data 28 Nëntor, që na kujton çmimin e lirisë dhe njëkohësisht sakrificat që janë bërë nëpër shekuj që ne sot të jetojmë të lirë.
“Sot shqiptarët kudo që janë e shënojnë këtë ditë dhe është moment reflektimi për gjithë atë që kanë bërë heronjtë tanë kanë bërë për shqiptarët kudo që janë, që nga heroi Skënderbeu e deri të Ismail Qemali, Hasan Prishtina, Isa Boletine e deri tek heronjtë tanë të viteve ’90-ta, në krye me komandantin legjendar Adem Jashari.”
Sot Presidentja e Kosovës, Vjosa Osmani pritet të jetë pjese e Paradës shqiptare e cila do të finalizohet me ceremoninë e ngritjes së flamurit në Sheshin Skënderbej.
