Dita e Presidentit, Vjosa Osmani nderon Ibrahim Rugovën
Ibrahim Rugova është arkitekt i shtetit të pavarur të Kosovës, tha Presidentja Vjosa Osmani, në Ditën e Presidentit, duke nderuar Presidentin historik në Prishtinë.
“Në ditën e tij, të vendosur prej vetë atij, si shenjë përkujtimi e përjetësimi të zgjedhjeve të para demokratike në Republikën e shpallur të Kosovës, më 24 maj 1992, e nderuam presidentin Rugova për vizionin e tij, e rikujtuam madhështinë e veprës së tij dhe e ritheksuam peshën e tij në jetën tonë politike,” tha Vjosa Osmani duke përfunduar:
“Kjo ditë i kushtohet atij!”
Ndryshe, 24 maj të vitit 1992, në Kosovë u zhvilluan zgjedhjet e para pasi Kuvendi i Kosovës shpalli Deklaratën Kushtetuese për pavarësi nga Serbia, Republikën e Kosovës.
Pas kësaj Deklarate, shqiptarët krijuan institucionet paralele në Kosovë të cilat si organizim shoqëror e politik funksionuan deri në çlirimin e Kosovës.
