Dita e tetë e Kupës së Botës 2026, Zvicra përballë Bosnje Hercegovinës

Në ditën e tetë të Kupës së Botës 2026, kur fillon dhe raundi i dytë i Kampionatit, përballja e parë është në orën 18:00 në mes Republikës Çeke dhe Afrikës së Jugut, pasuar nga Bosnje Hercegovina pëballë Zvicrës e cila me shumë interes pritet të luhet në orën 21:00. Në mesnatë 00:00 luajnë Kanadaja dhe Katari, ndërsa Meksika dhe Korea e Jugut do të përballen në orën 3:00 të mëngjesit.

Pasi të dyja ekipet barazuan në raundin e parë të Kupës së Botës, Bosnje Hercegovina dhe Zvicra do të luajnë sonte një ndeshje vendimtare në Los Angeles për të vazhduar garën. Derisa BeH u arsyetua nga shumë ekspertë të futbollit për një pikë të marrë kundër Kanadasë, Zvicra zhgënjeu me një barazim 1:1 kundër Katarit, prandaj ata hyjnë në këtë ndeshje nën një presion më të madh.

Bosnja hynë në ndeshje plot vetëbesim, por me shumë respekt për Zvicrën, e cila konsiderohet si një nga favoritët në grup. Nga ana tjetër, duket se disa legjenda zvicerane tashmë kanë hequr dorë nga ekipi i tyre kombëtar. Ish-lojtari i kombëtares, Blerim Xhemaili, tha se ndeshja kundër BeH nuk do të jetë aspak e lehtë dhe parashikoi një rezultat 1:1.

Deklarata e tij pati më shumë jehonë në Zvicër sesa pritej sepse vjen nga një njeri që ka qenë simbol i ekipit kombëtar për vite me radhë dhe rrallë jep parashikime kaq të përmbajtura. Ndërsa ish-lojtarët zakonisht parashikojnë fitore për ekipet e tyre në mënyrë që të rrisin vetëbesimin e kombit, Xhemaili qartësisht nuk beson mjaftueshëm në forcën e Zvicrës.

Ndërsa trajneri i ekipit kombëtar të Kanadasë, Jesse Marsch, tha se ata duan të imponojnë lojën e tyre kundër Katarit që nga fillimi. Në raundin e parë të Grupit B në Kupën e Botës, Kanadaja luajti 1:1 kundër Bosnje Hercegovinës, dhe ndeshja midis Zvicrës dhe Katarit përfundoi me të njëjtin rezultat.

“Duke pasur parasysh që grupi ynë tani është i barabartë, çdo moment dhe çdo pikë është e rëndësishme. Ne jemi të përqendruar te Katari dhe në atë që ata janë të mirë. Ne duam ta kufizojmë këtë. Kundër Bosnje Hercegovinës, veçanërisht në pjesën e parë, menduam se loja po zhvillohej ashtu siç e donin ata. Në ndeshjen kundër Katarit, ne duam të krijojmë një ritëm që nga fillimi që do të ishte në favorin tonë,” tha trajneri kanadez Jesse Marsch i cili përballjen e sotme në Vankuver midis Kanadasë dhe Katarit shprehet.

“Vankuveri është një qytet futbolli dhe e kemi parë këtë shumë herë më parë. Ne duam që Katari ta ndiejë turmën. I bëj thirrje tifozëve të ofrojnë mbështetje të fortë për lojtarët tanë dhe vendin e tyre dhe të jenë lojtari i 12-të në stadium.”