Ditë pushimi në Kupën e Botës 2026 por jo dhe në FBI, hetohet ekipi i Argjentinës për pastrim të 300 mln $
Derisa “arbitri i blerë” francez, Francois Letexier, pas skandalit me ndeshjen e turpshme mbrëmë ku dëmtoi Egjiptin kundër Argjentinës duke i anuluar një gol dhe duke mos gjykuar dy penallti, gjeti mënyrën më primtive ti fshihet kritikave të opinionit publik duke e fshirë dhe llogarinë e tij në rrjetin social X, kombëtarja e Argjentinës si fituese e kësaj ndeshje është në hall të madh edhe pse sot është ditë pushimi në Kupën e Botës 2026.
Autoritetet amerikane kanë nisur një hetim ndaj Federatës së Futbollit të Argjentinës, AFA, me dyshimin për pastrim parash dhe parregullsi të tjera financiare që arrijnë në më shumë se 300 milionë dollarë.
Një hap kyç në hetim u zhvillua në Miami, i njëjti qytet ku po qëndronte një delegacion argjentinas i udhëhequr nga presidenti i AFA-s, Claudio “Chiqui” Tapia. Agjentët e FBI-së dhe prokurorët e Departamentit të Drejtësisë të SHBA-së morën në pyetje biznesmenin Guillermo Tofoni në lidhje me strukturën financiare të përdorur për të menaxhuar kontratat ndërkombëtare tregtare të federatës.
Takimi me Tofonin zgjati më shumë se dy orë dhe është pjesë e një hetimi paraprak që synon të përcaktojë nëse operacionet e AFA-s përmes bankave dhe kompanive me seli në SHBA përbënin një krim sipas ligjit amerikan.
🇦🇷🇺🇸‼️ | ¡TERREMOTO EN LA AFA! — Mientras Argentina disputa el Mundial, agentes del FBI y fiscales del Departamento de Justicia de EE. UU. citaron a declarar en Miami al empresario Guillermo Tofoni. Según adelantó Infobae, las autoridades federales iniciaron una investigación… pic.twitter.com/HzUlWQiS6J
— UHN Plus — Deportes (@UHN_Deportes) July 8, 2026
Kërkohet të hetohet edhe Infantino
E gjithë situata përkeqësohet nga fakti se udhëheqja e AFA-së, përfshirë vetë Tapian, ndodhet në Shtetet e Bashkuara gjatë Kupës së Botës. Ironikisht, Tapia mori autorizim të posaçëm gjyqësor për të udhëtuar pavarësisht se i ishte ndaluar të largohej nga vendi në Argjentinë.
Claudio “Chiqui” Tapia po ndiqet penalisht në vendin e tij të lindjes për keqmenaxhim të dyshuar të fondeve tatimore dhe pensionale që arrijnë në më shumë se 19 miliardë peso. Hetimi në SHBA po drejtohet nga tre prokurorë federalë të specializuar në krime ekonomike: Patrick Gushue dhe Christopher Ting nga Washingtoni, dhe Michael Berger nga Zyra e Prokurorit të SHBA-së për Distriktin Jugor të Floridës.
Detyra e tyre është të mbledhin prova të mjaftueshme për të vendosur nëse do të fillojnë procedurat zyrtare penale. Ende nuk janë ngritur akuza zyrtare. Procesi është në fazat e tij të hershme dhe qëllimi është të identifikohen të gjitha palët e përfshira, të analizohen lëvizjet financiare dhe strukturat e përdorura nga AFA në marrëdhëniet e saj ndërkombëtare.
Ndërkohë lajmi se është përfshirë edhe Parlamenti Evropian i shton një dimension tjetër këtij skandali. Është kërkuar një hetim për menaxhimin e Gianni Infantino dhe vendimet e supozuara të arbitrimit që favorizuan ekipe të caktuara në këtë kampionat.
Ndryshe, duket se Kupa e Botës e këtij viti në SHBA do të mbahet mend, përveç futbollit, për numrin e madh të skandaleve që e shoqëruan.
