Dje Kryemiministri Edi Rama përdhosi figurën e Presidentit të Kosovës, sot uron shqiptarët jashtë atdheut!

Ndonëse dje Kryeministri Edi Rama përdhosi figurën e Presidentit të Kosovës duke mos respektuar as fjalën e saj në Parlamentin e Shqipërisë, ai sot në Ditën e Diasporës uron shqiptarët jashtë atdheut.

“Në këtë Ditë të Diasporës u uroj shëndet familjarisht të gjithë bashkëqytetarëve jashtë atdheut dhe përulem me respekt, përpara kujtimit e veprës patriotikë të atyre që nga jashtë Shqipërisë i dhanë vendit tonë gjithçka kishin, si edhe përpara punës së admirueshme të atyre që e ngrenë lart emrin shqiptar në skenën botës, pa harruar kurrësesi njerëzit e zakonshëm të këtij vendi, të cilët me mund e me sakrifica rrisin fëmijët e tyre në emigracion, e ndihmojnë familjarët e tyre në Shqipëri,” thekson Kryeministri Edi Rama duke shoqëruar urimin e tij me një video ku edhe pse i painformuar me historinë e popullit shqiptarë përcakton personazhet që i dhanë emër Shqipërisë në kohët moderne.

Ky urim për shqiptarët jashtë atdheut bëhet edhe më hipokrit kur vjen nga Kryeministri i Shqipërisë i cili ndër të tjerë, më shumë ka respektuar Kryetarin e Parlamentit të Sllovenisë, Milan Brglez, të cilin rrallë kush e njeh në Slloveni; Madje nga Rama ai u prit në Tiranë edhe kur mbajti fjalën e rastit në Parlamentin e Shqipërisë ndërkohë nuk gjeti as 10 minuta kohë të respekton Presidenten e Kosovës, me një axhendë të cilën e ka miratuar vetë Edi Rama.

Dhe, çuditërisht kjo përdhosje e shtetit të Kosovës gjithmonë vjen kur në pushtet janë socialistët. Të njejtën gjë bëri dhe paraardhësi i tij, Fatos Nano kur Tiranën e vizitoj Presidenti i Kosovës, Ibrahim Rugova. Pas 30 minutave pritje, Nano duke shkelë protokollin e përcaktuar del nga kabineti duke kërkuar falje pse Dr.Rugova e priste në korridor sepse ishte duke parë ndeshjen e futbollit Shqipëri-Hungari!