Dollari në stanjacion bien çmimet e naftës
Në tregun aziatik sot janë rritur çmimet e aksioneve, duke ndjekur rritjen në Wall Street, deri sa raporti i euros ndaj dollarit ka shkuar në nivelin më të ulët në 20 vitet e fundit. Indeksi i aksioneve aziatiko-paqësore, MSCI, pa ato japoneze, mëngjesin e sotëm ishte në plus për 0.8 për qind.
Në bursën e Tokios indeksi Nikkei u forcua për 0.6 për qind, ndërsa çmimet e aksioneve në Hong Kong, Australi, Shangaj dhe Korenë e Jugut u rritën për 0.1 deri 0.9 për qind. Nikkei japonez në mëngjez ishte në plus mbi 1 për qind por humbi vlerën pas lajmit se u qëllua Ish-Kryeministri Shinzo Abe.
Bursat tjera aziatike vazhdojnë të jenë nën ndikimin e rritjes së çmimeve të aksioneve në Wall Street. Tregu po bënë përpjekje të stabilizohet ndonëse në planin ekonomik nuk ka ndryshuar asgjë, inflacioni vazhdon të jetë i lartë, Rusia vazhdon ta sulmon Ukrainën, e Banka Qendrore Amerikane paralajmëron rritjen e normës së interesit.
Në tregun valutor, dollari ndaj valutave tjera ka shënuar stanjacion në nivelin më të lartë në 20 vjet. Indeksi i dollarit, që tregon vlerën e valutës amerikane ndaj gjashtë valutave më të rëndësishme në botë, është rreth 106.82 pikë, deri sa dje në këtë kohë ishte 106.87 pikë.
Ndërsa vlera e dollarit ndaj valutës japoneze ka rënë nga 135.75 sa ishte dje në 135.35 jen. Por, valuta amerikane është forcuar ndaj asaj europiane, ku vlera e euros ka rënë në 1.0145 dollarë, nivel ky më i ulët që nga fundi i vitit 2002, deri sa dje në këtë kohë ishte 1.0205 dollarë.
Presioni ndaj euros është pasojë e nivelit rekord të inflacionit dhe ngadalësimit të rritjes ekonomike në eurozonë, që, sipas analistëve, çon në recesion. Aq më shumë që Banka Qendrore Evropiane, ECB, duhet të rris normën e interesit në mënyrë që ta luftoj inflacionin, rritje që e paralajmëroi gjatë kësaj jave.
Por, çmimet e naftës kanë humbur një pjesë të fitimeve të djeshme. Çmimi i barelit në tregun londinez ka rënë për 0.37 për qind, në 104.25 dollarë, deri sa në tregun amerikan bareli ka rënë për 0.42 për qind, në 102.30 dollarë.
