Donald Lu: Studentët e programit YES, ambasadorë të Shqipërisë në SHBA
Ambasadori i SHBA-së në Tiranë Donal Lu me rastin e 15 vjetorit të programit YES, ju është drejtuar studentëve duke i konsideruar ata ambasador të Shqipërisë në SHBA.
Ambasadori Lu, ka theksuar se studentët e programit YES janë në pozitë unike për të sjellë më të mirën e Shteteve të Bashkuara të Amerikës në Shqipëri.
“Të jesh student në programin YES është një përvojë që të jepet vetëm një herë në jetë. Ju shërbeni si ambasadorë të Shqipërisë në Shtetet e Bashkuara, ndërsa si alumni, ju përfaqësoni Shtetet e Bashkuara këtu. Ju jeni në një pozitë unike për të ndarë vlerat e SHBA me vendin tuaj të lindjes dhe për të sjellë më të mirën e Shteteve të Bashkuara të Amerikës në Shqipëri”, shprehet Ambasadori Donald Lu, ku u drejtohet ish-pjesëmarrësve të programit YES, gjatë festimit të përvjetorit të 15 të programit.
Foton me studentët e programit YES, ambasada e SHBA-së në Tiranë e ka përzgjedhur si foto të ditës, duke e postuar në faqen e saj në rrjetin social Facebook mëngjesin e së shtunës.
