Dosja Tahiri/ Krimet e Rënda thërrasin për të dëshmuar shoferin e ish-ministrit…

Prokuroria e Krimeve të Rënda ka thirrur në cilësinë e dëshmitarit shoferin e ish-ministrit të Brendshëm, Saimir Tahiri.

Burime nga Krimet e Rënda bënë të ditur se shtetasi Gentian Ceka është thirrur për të dhënë shpjegime lidhur me çështjen për të cilën po hetohet Tahiri, i cili fundjavën e kaluar dorëzoi mandatin e deputetit, duke deklaruar përballjen me drejtësinë si qytetar i thjeshtë. Ceka, sikundër është raportuar është thirrur disa herë në organin e akuzës, që nga momenti që kanë nisur hetimet.

Ceka është edhe personi që ka qenë në makinë me Orest Sotën pak para se ky i fundit të arrestohej me 863 mijë euro në makinë dhe dy patenta lundrimi të Tahirit.

Kjo është pohuar nga vetë i arrestuari, i cili u lirua me vendim gjykate.

Sipas Sotës, ka qenë shoferi i Tahirit ai i cili i kishte harruar patentat në makinën e tij.