Dy besnikët e Belinda Ballukut në SPAK, Erald Elezi dhe Gentian Gjyli akuzohen për Tunelin e Llogarasë

Ish kreu i ARRSH, Gentian Gjyli dhe ish administratori i KESH, Erald Elezi janë paraqitur sot në Prokurorinë e Posaçme Kundër Krimit të Organizuar dhe Korrupsionit, SPAK, ku janë marrë të pandehur.

Ish vartësit e Belinda Ballukut, Gentian Gjyli dhe Erald Elezi, akuzohen për tenderin e tunelit të Llogarasë, çështje për të cilën u mor e pandehur edhe, Belinda Balluku.

Kujtojmë që provat ndaj Elezit dhe Gjykit janë siguruar nga materialet e sekuestruara në telefonin e ish-drejtorit të ARRSH-së, Evis Berberi, i cili është gjithashtu nën hetim për këtë dosje.

SPAK ka nisur hetimin pasuror ndaj 25 të dyshuarve, 22 individë dhe 3 subjekte private. Ndër fondet dhe tenderat e abuzuar janë edhe ato të eficensës së energjisë elektrike, të subvencionuara nga BE. Hetimet janë në zhvillim dhe përfshijnë një tjetër fraksion që lidhet me zyrtarë të lartë.

Ndryshe, në kohën e kryerjes së veprës penale, si Gentian Gjyli edhe Erald Elezi ishin pjesë e Komisionit të Vlerësimit të Ofertave, KVO, në varësi të Evis Berberit.