E mori rrjedha, shtatzëna humb jetën në kanionet e Matkës

Një tragjedi ka tronditur dje vizitorët në kanionin e Matkës.

Rreth orës 16:00 një shqiptare e re nga Kosova i është afruar lumit Treska për të larë duart, por ka rrëshqitur në ujë, thonë dëshmitarët okular për Almakos.

Ujërat e rrëmbyera në Matkë nuk i kanë lënë hapësirë kosovares që të dal në breg, ndërsa situatën e ka rënduar shtatëzania e saj.

Më në fund disa persona kanë arritur ta nxjerrin jashtë lumit viktimën, por ka qenë vonë, sepse ajo kishte vdekur.

Sipas tyre ndihma e shpejtë është vonuar më shumë se një orë. Identiteti i viktimës nuk bëhet i ditur.