E paditën për ndotje mjedisi, banorët e 5 fshatrave fitojnë gjyqin me Veliajn

Banorët e 5 fshatrave në periferi të Tiranës kanë fituar betejën ligjore me Erjon Veliajn, kryebashkiakun, lidhur me një padi kundër tij për ndotjen e mjedisit.

Gjykata vendosi sot në favor të banorëve, që të pezullohet puna e fabrikës për prodhimin e asfaltobetonit, që shkaktonte një dëm të konsiderueshëm në zonën përrreth.

Banorët shprehen të kënaqur me këtë vendim, ndërsa avokati Altin Goxhaj thotë se beteja ligjore do të vijojë deri ne bllokimin e plotë të punimeve të kësaj fabrike.

Rreth 12 mijë banorë të kësaj zone kur ndizet kjo fabrikë, thonë se vendi mbushet me tym dhe me erë të keqe. Fabrika nuk ka Lejen Mjedisore, por ka prova filmike që nga oxhaku del tym.

‘’Leja e Bashkisë është për të prodhuar beton dhe jo asfalt”, u shprehën banorët në dalje të Gjykatës.