Presidentja kroate në Kuvendin e Shqipërisë: Ju kemi partner strategjik dhe politik…
Presidentja e Kroacisë, Kolinda Grabar-Kitaroviç, i është drejtuar me një fjalë përshëndetëse Kuvendit të Shqipërisë, ndërsa ripërsëriti mbështetjen e vendit të saj ndaj Shqipërisë në proçesin e integrimit në BE.
“Shqipëria është një partner mjaft i rëndësishëm jo vetëm strategjik por edhe politik, kjo është njohur dhe nga BE. Kroacia mbështet fuqishëm rrugën e Shqipërisë drejt integrimit në BE dhe mirëpret të gjithë progresin e dukshëm që është bërë nga Shqipëria në përmbushjen e kritereve të kërkuara për anëtarësimin e BE”, tha Presidentja kroate.
Në vijim ajo shtoi se Kroacia nuk e harron sakrificën e shqiptarëv.
“Miqësia jonë daton herët, që në kohën e Venedikut, pasi nuk ka fakte historike për konflikte midis dy vendeve. Shqiptarët janë të respektuar në Kroaci, në vendet ku ata jetojnë dhe punojnë”, theksoi ajo.
Kitaroviç ka mbërritur pasditen e djeshme në Tiranë. Presidentja zhvilloi një takim zyrtar me Presidentin Ilir Meta dhe Kryeministrin Edi Rama, ndërsa sot, pritet të marrë nga qyteti i Beratit titullin “Qytetar nderi”.
