E paqartë/ Pas thirrjes së Edi Ramës, çfarë nuk pranon Llukashenko?! Të vjedhë zgjedhjet si në Shqipëri apo…
Deri sa situata në Bjellorusi vazhdon të jetë e tensionuar pas zgjedhjeve të 9 Gushtit ku opozita nuk e pranon fitoren e Aleksandar Llukashenkos duke e akuzuar se ka manipuluar zgjedhjet ndërsa ky i fundit vazhdon dhe përdor dhunën përi ti mbyllur gojën protestuesve, Kryeministri Edi Rama në rolin e kryetarit të OSBE ka shprehur gatishmërinë për të vizituar Minskun, për zhvilluar bisedime me të gjitha palët e përfshira në konflikt.
Propozimin e mbështeti Bashkimi Evropian ndërsa mediat në shërbim të Edi Ramës raportuan sot se Kryeministri Rama ka zhvilluar një bisedë telefonike rreth 30 minuta me ministrin e Jashtëm të Rusisë, Sergei Lavrov në cilësinë e kreut të OSBE-së, ku i është komunikuar se Vladimir Putin, i ka kërkuar presidentit bjellorus, Aleksandar Llukashenko të pranojë kërkesën e OSBE-së për negocimin mes palëve politike. Por asgjë nga kjo nuk rezultoi e vërtetë!
Presidenti i Francës Emanuel Makron tha sot se Presidenti i Bjellorusisë, Aleksandar Llukashenko nuk dëshironte që OSBE të ndërmjetësojë në krizën politike bjelloruse ndërsa Ambasada e Rusisë në Tiranë sqaroi se Ministri Lavrov vuri në dukje se është e nevojshme që bjellorusët të lejohen të zgjidhin vetë punët e tyre, të mos ketë ndërhyrje në dialogun midis autoriteteve dhe shoqërisë dhe t`u mos u imponohet shtetasve bjellorusë asgjë nga jashtë.
Duke folur në një konferencë të përbashkët shtypi me Kancelaren gjermane Angela Merkel në Fort de Bregancon mbi Rivierën Franceze, Macron gjithashtu tha se presidenti Rus Vladimir Putin reagoi në mënyrë të favorshme ndaj propozimit për rolin e OSBE-së.
Ndërkohë pasi BE hodhi poshtë rizgjedhjen e Lukashenkos në votimet e kontestuara të 9 gushtit dhe njoftoi sanksione financiare ndaj zyrtarëve që Bashkimi Evropian i fajëson për manipulime zgjedhore dhe abuzim ndaj protestuesve, dhe vetë Llukashenko hodhi poshtë ndëmjetësimin e OSBE-së, u qetësuan gjakërat dhe Ambasada e Rusisë në Tiranë zbardhi edhe telefonatën Rama-Lavrov që u përfol:
“Më 20 gusht, me iniciativën e palës shqiptare, u zhvillua një bisedë telefonike midis ministrit të Punëve të Jashtme të Federatës Ruse, Sergej Lavrov dhe Kryeministrit të Shqipërisë, Kryetarit të OSBE-së, Edi Rama. Palët diskutuan mbi situatën në Bjellorusi në kontekstin e propozimeve të Kryesisë Shqiptare të OSBE-së për të kontribuuar në zhvillimin e dialogut midis autoriteteve dhe opozitës,” sqaron Ambasada e Rusisë duke shtuar se Ministri Lavrov vuri në dukje se është e nevojshme që bjellorusët të lejohen të zgjidhin vetë punët e tyre. Dhe jo vetëm kaq!
“Të mos ketë ndërhyrje në dialogun midis autoriteteve dhe shoqërisë dhe t`u mos u imponohet shtetasve bjellorusë asgjë nga jashtë, në mënyrë që të shmanget përvoja e trishtë e “ndërmjetësimit evropian” në Ukrainë në shkurt 2014,” thekson Ambasada e Rusisë në Tiranë përmes një njoftimi duke shtuar se bashkëbiseduesit rikonfirmuan rolin e rëndësishëm të Misionit Special të Monitorimit të OSBE-së në përpjekjet për të zgjidhur konfliktin e brendshëm ukrainas, duke përfshirë nevojën për të përgatitur raporte objektive për atë që po ndodh në të dyja anët e linjës së kontaktit në Donbas.
Pas kësaj deklarate të qartë të Ambasadës së Rusisë në Tiranë, e paqartë ngelet se çfarë është ajo që nuk pranon Aleksandar Llukashenko, pas zgjedhjeve të kontestuara të 9 Gushtit: Të mos përsëritë zgjedhjet për ti vjedhë si në Shqipëri, siç i publikoi revista gjermane Bild; Apo, të mos përsëritë zgjedhjet dhe ti mbajë, siç i mbajti kryetari aktual i OSBE, Edi Rama më 30 Qershor, pa opozitën!
