Edi Rama do ta bëjë rihapjen sikur Serbia, aty ku janë 10.243 të infektuar dhe 220 të vdekur

Komiteti Teknik nuk u shpreh, as ministrja e Shëndetësisë por sot Kryeministri Edi Rama në një komunikim me gazetarët e bëri të qartë se Tirana së bashku me zonat e kuqe nuk do të kenë lehtësime masash pasi janë problematike. Në qershor do të ketë një strategji se si do të funksionojë transporti publik i cili është tashmë i bllokuar dhe paralizuar prej marsit ndërkohë paralajmëroi se qeveria dhe autoritetet shqiptare do të monitorojnë Serbinë e cila ka marrë një sërë masash lehtësuese të shpejta dhe në varësi të ecurisë aty të koronavirusit do të vendoset dhe në Shqipëri.

”Dua të sjell në vëmendje që masat lehtësuese do të vijojnë. Tirana mbetet problem ende edhe lehtësimi në Tiranë apo në zonat e kuqe. E pamundur këtë javë. Në pjesën tjetër do të vijojnë.

Kemi diskutuar hapjen e kopshteve dhe çerdheve më 1 qershor. Nëse numrat do të vazhdojnë stabil ne mund t’i hapim dhe kjo kohë duhet shfrytëzuar për të bërë kushtet. Do të hyjnë në klasa me rregulla komplet të tjera dhe do të mund të kenë një periudhë 3-javore para maturës shtetërore.
Do të vazhdojmë lehtësimin e qarkullimit jo në zonat e kuqe. Zgjatjen e fashave të orareve. Shtrirja e fashës orare sidomos në orën kur mbaron puna ka shqetësimin për nevojën për t’u grumbulluar dhe rrit tundimin për të hapur lokale.

Kemi parë disa vende që kanë bërë hapa të shpejtë, si Serbia. Do shohim si shkojnë gjërat aty lidhur me epideminë,” tha Kryeministri Edi Rama për një shtet i cili ka dështuar në parandalimin e përhapjes së COVID-19 ndonëse puna e qeverisë dhe Shtabit të Krizës ishte nën mbikqyrje të ekspertëve kinezë.

Në Serbi janë 10.243 të infektuar, 220 të vdekur, 1.085 të shtruar në spital ndërsa janë testuar 151.304 persona.

Përkundër kësaj, Shtabi i Krizës në Serbi, jo Kryeministri, ka vendosur hapjen e kufijve nga 1 Qershori me Bosnje Hercegovinën, Malin e Zi, Shqipërinë dhe Maqedoninë e Veriut!

Në Serbi çdo shtetas serb mund të vijë nga jashtë shtetit, nëse e bënë testin dhe rezulton negativ mund të lëviz në çdo cep të vendit ose pas vetizolimit prej 14 ditësh. Dhe, lejohet hyrja e çdo të huaji nëse e bënë testin. Për shtetasit serb që futen në Serbi dhe nuk e kanë kryer këtë test,