Edi Rama në labirintin e Borgesit!
nga Agim Popoci
Njeriu që 28 vjet e katër muaj më parë hyri në politikë dhe po kaq ditë ishte armik i përbetuar i mendimit ndryshe, sot pandehur i servir revoltës studentore, dialog, duke luajtur në pamje të parë një akt në kërkim të paqes, por, çështja komplikohet kur kjo përpjekje e Edi Ramës jo vetëm që i ofrohet atyre që ditë më parë i cilësoi si ziliqar dhe të paaftë dhe sot ju thotë se nuk dinë ti lidhin as shtatë fjalë, por, kjo nuk është rastësi!
Madje, e kaluara e tije na thotë se gjithçka çfarë ndodhi në rrugëtimin politik të Edi Ramës deri më sot, nuk ishte rastësi, as servilizmi, as arroganca, as krimi, as vjedhja, as dhuna, as akuza, dhe, sot, as oferta për dialog!
Shumë kohë më parë shkrimtari i njohur spanjoll, Jorge Luis Borges, thotë se një burrë vendos të vizatojë botën. Me kalimin e viteve ai e mbush hapësirën duke vizatuar provinca, mbretëri, male, gjire, anije, ishuj, peshq, shtëpi, instrumente, yje, kuaj dhe njerëz. Para vdekjes së tij, ai zbulon se ky labirint i durueshëm vijash përshkruan karakterin e tij; Labirint nga i cili na del edhe karakteri i Edi Ramës në grahmat e tij të fundit në politikë!
Jeni ziliqarë, të paaftë, ziliqarë, sepse nuk më mundni dot me zgjedhje, me fjalë dhe ju ka ardhur dita te guri. E nisët me shishe uji e vezë dhe arritët te guri, e tha Edi Rama i pashqetësuar në monologjet e radhës ndërsa vendi që drejton po i digjej flakë, duke vazhduar të ndërsej policët drejt studentëve të revoltuar për indiferentizmin e një fatkeqësie që ka kapluar kombin shqiptar, dhe, sot shoqëron me dënesë kërkimin e mallkimit kaq të rëndë që e ka goditur!
Dhe, ndërsa shikon vijat e labirintit të Edi Ramës kur përshkruan revoltën studentore se nuk ka lidhje me studentët, se e gjithë kjo flakë nuk është studentore dhe se kjo pengmarrje me maska s’ka të bëjë me hallet, problemet, aspiratat e gjithkujt që do të jetë më i mirë, çdo shqiptari i del para syve 21 Janari i vitit 2011 dhe grupi i njerëzve të shkëputur nga protestuesit që kryesonin protestën dhe gjuanin lum gurësh mbi policinë ndërsa hunj, gurë dhe molotovë hidheshin mbi forcat e rendit në çdo moment kur lideri i opozitës socialiste fërkonte hundën dhe veshët e tij me duart e pista!
Jo vetëm për të gjetur arsyet për shfajësimin e studentëve për flakët që kanë mbërthyer Tiranën gjatë këtyre ditëve të revoltës, në vendin të cilin Kryeministri e ka varfëruar dhe e ka vjedhur, por, dhe për të kuptuar pse Edi Rama nuk pranoi dialog pas 21 Janarit ndërsa tashmë vazhdon për çdo ditë dhe thotë se nuk do të sprapset!
Nuk do të sprapset, as atëherë kur e pranon se e gjithë kjo flakë dhe pengmarrje me maska është po ajo dorë që ka kapur për fyti opozitën shqiptare, pra, Edi Rama me partinë e tij, që është gati të djegë e ta shkatërrojë përsëri Shqipërinë, gjë që e konfirmon edhe historia!
Situata vijon dhe bëhet edhe komike përveç se tragjike kur Edi Rama tregon për kujdesin e integrimit evropian që ka për këtë vend, madje është i bindur se ky është i dërguari i Perëndisë për ta anëtarësuar Shqipërinë në BE, dhe, ky proces ndërpritet nëse ai ik!
Por, bënë sikur harron se është po ky njeri i cili bllokoi marrjen e statusit kandidat të Shqipërisë në BE kur gjuante gurë mbi institucionet shtetërore si lider i opozitës dhe i vuri flakën Tiranës vetëm 30 ditë pas hyrjes në fuqi të liberalizimit të vizave për shqiptarët, pa i lëvizur qerpiku për të ardhmen e këtij vendi ku në projeksion kishte koalicionin qeverisës me hajdutin që kishte akuzuar, Ilir Metën!
Ndërkohë që Ne mund të analizojmë këto vija të labirintit për të kuptuar karakterin e tij, vetë Edi Rama mund të ketë gjetur dhe fijen e fundit të kashtës për të cilën është kapur duke u munduar të bindet se kjo revoltë studentore mund të dështoj edhe pas mbështetjes së pakufizuar që i dhanë sot pedagogët, duke e bërë të qartë se do të protestojnë deri në dorëheqjen e tij.
Po, revolta studentore mund të ketë gjithçka në gjirin e saj, edhe patronazhistët e Edi Ramës që infiltrohen për të sulmuar godinat me qëllim të etiketimit të kësaj proteste si të dhunshme, por, studentët nuk kanë në Gardën e Republikës një komandant të Grupit të Zjarrit i cili mund të gjuan në popull edhe me çmimin për t’u bërë Kryetar i Bashkisë, dhe, pse jo edhe deputet!
Në revoltën studentore mund të jenë infiltruar edhe agjentë të huaj që nuk i duan të mirën Shqipërisë, por, studentët nuk kanë mbështetjen financiare që kishin protestat e opozitarit Edi Rama nga të madhërishmit Saimir Tahiri dhe Erion Veliaj!
Sot, revolta studentore me të drejtë mund të mburret se tashmë po mbështetet edhe nga pedagogët, nga ata që janë autorë të digave dhe tuneleve historike së bashku me trashëgimtarët e tyre, por, studentët nuk kanë mbështetjen e Belinda Ballukut, asaj e cila një tunel si ai i Llogarasë, e hap me ose pa 50 milionë euro.
Në fund, sot, Kryeministri mund të mendoj me kokën e tij komuniste se ky vend nuk ka nevojë për dorëheqjen e tij, qeverinë teknike dhe zgjedhjet e lira dhe të ndershme, studentët sot mund të jenë edhe ashtu siç thotë Ai, ziliqarë sepse nuk e mundin dot me zgjedhje, por, është një arsye madhore që Ai duhet të ikë njëherë e përgjithmonë; Duke perifrazuar Winston Churchillin, studentët nesër do të zgjohen shqiptar, ndërsa Edi Rama bazuar dhe në labirintin e vijave të tij, do të vazhdoj të jetë, HAJDUT!
