Edi Rama në Mal të Zi, studentët në protestë, PD interpelancë me Ministrin e Brendshëm

Si gjithmonë edhe sot Kryeministri Edi Rama kur nuk është në Zyrë është edhe shumë trim, dhe, sot, përveç se provokon studentët protestues me një video, dhe për të treguar se jetojmë në normalitet urdhëron Nikon e tij të mbajë dhe seancë plenare e cila pritet të filloj me interpelancë urgjente me Ministrin e Punëve të Brendshme, Ervin Demo, kërkuar nga një grup deputetësh të Grupit Parlamentar të Partisë Demokratike.

Kështu, nga Budva mikëpritëse e Samitit të Procesit të Berlinit, Edi Rama e nisi mëngjesin e sotëm me provokimin e radhës, ku pas karrigeve luksoze dhe atyre të drurit për dialog, sot ofron ulëse guri për studentët protestues.

Kush është nga epoka e gurit nuk do koment, mjafton krahasimi i Shqipërisë së vitit 2013 me atë të vitit 2026 sa qeverisi ky “artist” me çorape të kuqe, për të kuptuar se ai që do e merrë pushtetin pas këtij shkatërrimtari i duhet të merret me formimin gjeologjik dhe biologjik të shtetit shqiptar.

Ndërkohë, para Parlamentit, studentët dhe pedagogët do protestojnë duke filluar nga ora 9:00 ku do të vazhdojnë të kërkojnë dorëheqjen e Edi Ramës dhe kastës së tij politike që shkatërroi këtë vend.

Në fund, askush nuk është i entuziazmuar me seancën plenare të parlamentit që fillon në orën 10:00 edhe pse fillon me interpelancën urgjente me Ministrin e Punëve të Brendshme, Ervin Demo, kërkuar nga një grup deputetësh të Grupit Parlamentar të Partisë Demokratike, kur është po ky ministër që ka gjakosur me policët e tij, rrugët e Kryeqytetit dhe jo vetëm.

Ndryshe, seanca e sotme plenare ka këtë Rend të Ditës:

I. Mbledhjen e Kuvendit në seancë plenare në datën 22.10.2026, ora 10:00.

II. Rendi i ditës i seancës plenare është si më poshtë:

1. Miratimi i procesverbalit të seancës plenare të datës 8.10.2026.

2. Njoftime.

3. Interpelancë urgjente me Ministrin e Punëve të Brendshme, z. Ervin Demo, kërkuar nga një grup deputetësh të Grupit Parlamentar të Partisë Demokratike.

4. Interpelancë me Ministrin e Infrastrukturës dhe Energjisë, z. Enea Karakaçi, kërkuar nga deputeti Ermal Pacaj.

5. Interpelancë me Ministrin e Infrastrukturës dhe Energjisë, z. Enea Karakaçi, kërkuar nga deputeti Tedi Blushi.

6. Interpelancë me Ministrin e Financave, z. Petrit Malaj, kërkuar nga deputeti Tedi Blushi.

7. Projektligji “Për ratifikimin e konventës së Këshillit të Evropës për Mbrojtjen e Profesionit të Avokatit,
bërë në Luksemburg, më 13 maj 2025″.

8. Projektligji “Për ratifikimin e marrëveshjes, ndërmjet Këshillit të Ministrave të Republikës së Shqipërisë
dhe qeverisë së Republikës së Maqedonisë së Veriut, për ngritjen e pikave të përbashkëta të kalimit
kufitar ndërmjet Republikës së Shqipërisë dhe Republikës së Maqedonisë së Veriut dhe kryerjen
veprimtarive të përbashkëta të kontrollit kufitar”.

9. Projektligji “Për disa ndryshime dhe shtesa në ligjin nr. 55/2020, “Për shërbimet e pagesave»»

10. Projektligji “Për parandalimin e pastrimit të parave dhe financimit të terrorizmit”.

11. Projektligji “Për disa shtesa dhe ndryshime në ligjin nr. 35/2016, “Për të drejtat e autorit dhe të drejtat e
tjera të lidhura me to”, të ndryshuar”.

12. Projektligji “Për treguesit gjeografikë për produktet artizanale dhe industriale”.

13. Projektvendim “Për ngritjen e Komisionit të Posaçëm Parlamentar për fazën e dytë të Reformës Administrativo-Territoriale në Republikën e Shqipërisë”.

14. Diskutime për çështje jashtë rendit të ditës.