Edi Rama, nuk ke parë gjë akoma!
nga Agim Popoci
Kryeministri i Taos dhe Zegjinesë kishte lëshuar kumtin mbi kthimin e tij nga Ameriqia thuajse po e priste njeri të jepte arsyet e mjaftueshme për botën komuniste shqiptare që pa se si po i prangoset shefi i shërbimit sekret, por, Edi Rama me dorën dhe gojën e tij e konfirmoi se me shpirtin e madh që nuk e kishte kurrë tashmë nuk është në gjendje as ta shpreh se po e ndjen madhështinë e tij, dhe nuk ka Kurban që do ti gjejë vend!
Për 28 vjet e 4 muajt e shërbimit publik, Edi Rama mund të flas për shumë gjëra, por, nga Aeroporti i Qet Kastratit foli për gjithë ato gjëra që nuk i kanë i interesuar dhe nuk i interesojnë shqiptarëve, ndërsa për turpin e tij që përfundoj në pranga, drejtoren e Shërbimit Informativ të Shtetit, Vlora Hyseni, tha se ka ardhur koha ta trajtojmë bashkarisht dhe seriozisht, edhe pse nuk pyeti njeri kur e solli nga Kosova, aty ku kishte dhënë dokumente sekrete për interesin e të tretëve!
Me sigurinë më të madhe, Edi Rama tha se në asnjë rast e për asnjë arsye, atë nuk e bën dot askush palë, që mund të ketë prekur paratë, pronat dhe interesat e shqiptarëve.
Kujt i duhet kjo siguri nuk e mori njeri vesh, dhe sot është e qartë se ky shpirt i ndyrë nuk ka pa gjë akoma!
Ky, i cili i vodhi votat Spartak Ngjelës dhe humbi garën për Tiranën duke vazhduar pa pikë turpi të kandidoj për Kryeministër, edhe kur ndërtuesit në vitin 2011 e akuzuan që po kandidonte për herë të katërt si Kryetar i Bashkisë Tiranë, se u kërkonte 20% nga metrat katrorë të lejes së ndërtimit!
Por, përveç se nuk kishte turp, Edi Rama ende nuk e kishte të qartë se nuk kishte parë gjë akoma!
Pas tre mandate drejtimi të Kryeqytetit, ku shumicën e premtimeve nuk i kishte mbajtur, në veçanti atë më ujin e pijshëm 24 orë, Edi Rama e pa se nuk po i kërkon kush llogari dhe kandidoi për Kryeministër!
U mblodhën të gjitha qelbësirat shqiptare, si ato që ndërtonin pallate në oborrin e shkollave ashtu dhe ato që asfiksuan Bllokun ku kishin lindur dhe dëgjuar plane se si internoheshin dhe vriteshin shqiptarët, sërish duke ju premtuar shqiptarëve ujin e përditshëm për 24 orë, heqjen e taksës 20% për bukën, qumështin, vezën, miellin, vajin, sheqerin dhe orizin, si dhe zhbërjen e konçesioneve!
Erdhi, u ul në fronin e Kryeministrit dhe nuk pa shqiptar të bënte as gëk dhe as mëk edhe pse në krah kishte Liken, atë për të cilin i vuri zjarrin Tiranës më 21 Janar! Ky shkatërrimtar i kombit shqiptar nuk kishte pa gjë akoma, dhe nuk po i besonte syve se si nuk reagon njeri ndërsa vazhdon akuzat kundër Saliut!
Në këtë katrahurë të shuarjes së nervit shqiptar, duke e parë se nuk po ankohej njeri për premtimin e pa mbajtur për uljen e taksës së energjisë për familjarët nga 20% në 6%, i ulur në fron filloi të shfletoj emrat e debitorëve, nxori nëpër shtëpitë shqiptare policët e Saime Qorrit dhe filloi të arrestoj debitor edhe për 1.000, madje njëri prej debitorëve vari edhe veten sepse ishte arrestuar për 2.300 lekë që nuk kishte paguar energji!
I ndjeri shqiptarë me sedër ndërroi jetë, por askush nuk po ankohej as në trevat shqiptare ku nuk shkeli dot Perandoria Osmane; E Edi Rama nuk kishte parë gjë akoma!
Në këtë situatë, kur askush nuk po e ngrinte zërin, OSBE u mundua të tund shqiptarët nga vendi dhe nxori në pazar mediatik një Raport Konfidencial i cili fliste për pasurinë e Kryeministrit Edi Rama prej 200 milionë eurove!
Jo qindarka në xhepin e këtij hajduti tashmë të liçencuar nga Organizata për Siguri dhe Bashkëpunim Evropian!
Por, kot, e tundur ngeli vetëm letra e cila si gjithmonë duron shumë, e shqiptarët më keq se ariu në dimër ia kishin futur gjumit, të lodhur edhe nga akuzat lum që i derdhën mbi Saliun!
Gjithsesi, më i habituri ngeli vetë Edi Rama, i cili e kuptoi se vërtetë nuk kishte parë gjë akoma!
Premtimi mbi zhbërjen e konçesioneve si ai Markimit të Karburantëve, Rapiscan, HEC-et mbi Valbonë dhe Vjosë dhe Vendburimet e naftës, që kanë dëmtuar dhe po dëmtojnë interesin e qytetarëve, ishte një marrëzi që doli nga goja e Edi Ramës pa e kuptuar se nuk kishte pa gjë akoma, por me t’u ulur në fron, këtyre konçesioneve i shtoi dhe Rrugën e Kombit, Thuman-Kashar, Dializën, Çheck Upin, Sterlizimin dhe turpin e të gjitha turpeve, Dializën, edhe pasi mjekësia shqiptare kishte arritur të realizoi transplantin e parë të veshkës!
Në një mëngjes gjirokastritët dhe jo vetëm panë se si po zhduket nga faqja e dheut droga e Lazaratit, aty policia po e tundte vendin pa pyet për këtë krahinë mbi të cilën ishte krijuar miti i të paprekshmëve nga po ky regjim që kishte ardhur në pushtet dhe kishte një surprizë të veçantë për të gjithë ata që ishin të shqetësuar për bukën dhe mirëqenien shqiptare!
Po, Lazarati u gjunjëzua, por mbjellja e marijuanës filloi në gjithë Shqipërinë, veprim për të cilin vite më vonë Zv/Kryeministri i kohës Arben Ahmetaj do të dëshmon se ishte bërë me lejen e Edi Ramës, me qëllim të rritjes së mirëqenies shqiptare.
Droga e përqafuar edhe në Sheshin e Flamurit, nga ku niseshin me furgona kultivueset drejt plantacioneve të marijuanës ishte një fakt i frikshëm që dëshmonte se Edi Rama nuk kishte parë gjë akoma, dhe një konfirmim se pirja e gjakut të një njeriu në shërbim të shtetit në vitin 1997, nuk ishte rastësi!
E kur zia mori dhen në këtë vend të drejtuar nga Edi Rama, kultivimi i drogës u bë normalitet ndërsa u shfaqën sërish gomonet pa pasur nevojë për njerëz sepse droga kishte dalë sheshit!
Në makinë e Saimirit apo kusherinjëve pak rëndësi kishte, ashtu siç liberalizoi lëvizjen e lirë të njerëzve Saliu në Zonën Schengen, ashtu e liberalizoi Edi Rama lëvizjen e lirë të marijuanës nga Vermoshi në Konispol! Pse ishte çuditur Tigri dhe kishte shuar kuriozitetin në mbledhjen e qeverisë për këtë veprim kriminal të Kryeministrit nuk dihet, por, një gjë ishte e qartë, Edi Rama nuk kishte parë gjë akoma
Tritoli i Lungomares në Vlorë ishte në sinjal që shqiptarët nuk kishin parë gjë akoma, por heshtja e shqiptarëve edhe kur ai tritol u shfaq në çdo çep të Shqipërisë ishte një sinjal shqetësues për Edi Ramën që nuk kishte parë gjë akoma; Por, i ulur në fron nuk deshi t’ia dinte!
Në tokën shqiptare, aty ku nuk kishte më as ekonomi as siguri, as bujqësi as blegtori, as premtim dhe as arsye, aty ku u zhduk tregtia e bananes me kokainë dhe zuri vend kokainë me banane, duke e pranuar në sofrat shqiptare si realitet të ri “kokainë, e krip, e zemër,” ndërkohë nuk kishte njeri as të ngrejë kokë për të kërkuar një çap bukë, Edi Rama ishte më i qartë se kurrë se nuk kishte parë gjë akoma!
Vera 33 mijë euroshe në tavolinën e tij, inceneratorët nëpër këmbë që vetëm plehra nuk djegin ndërkohë marrin miliarda nga buxheti i shtetit, tenderat që i jep Gys Agasi krimit të organizuar në këmbim të votave, u bënë një realitet jo më i hidhur, por i pranuar në masë nga populli shqiptar tashmë pa nerv dhe në rrezik zhdukjeje!
Për një vend normal, arrestimi i shefit të Shërbimit Sekret dhe pezullimi nga detyra për shkak të nxjerrjes së sekretit hetimor dhe përkrahjes së autorit të krimit, në rastin më të mirë do të nxirrte qytetarët në rrugë duke protestuar, ndërsa në rastin e zullumit 13 vjeçar si ky i Qeverisë Rama, do ti dhuronte botës një tym e flakë që as vullkani Etna nuk do ta prodhonte me llavën e saj!
Por, Edi Rama nuk ka parë gjë akoma dhe kjo i jep dhe favorin që të kthehet pa një të keqe nga Ameriqia, dhe, nga Aeroporti i Qet Kastratit të predikoj mbi moralin, të vërtetën dhe drejtësinë që nuk e deshi kurrë; Dhe, tashmë duke mbetur jo vetëm me Vlora Hysenin e arrestuar, por me të gjitha qelbësirat që e kanë rrethuar kur u ul në fron, i bindur se arsyeja, e vetme, mund të japë përgjigje mbi botën shqiptare, edhe pse tashmë është e qartë, pa e lexuar veprën e madhe të filozofit gjerman, Arthur Schopenhauer, “On the Fourfold Root of the Principle of Sufficient Reason”!
Ndryshe do ta kuptonte pse nuk e do më njeri, as asqerët e partisë dhe as ata burokratë evropian që i argëtonte si kloun dhe nuk vënë më buzën në gaz, sot, kur Edi Rama rrëfen se ka parë botën me sy ndonëse nuk ka parë gjë akoma, dhe ndjen vetëm aromë mjerimi!
Nuk ka as si ta dijë kur vazhdon të jetë i shoqëruar vetëm me trafikantë droge dhe armësh, ndryshe qoftë dhe një intelektual që do t’i qëndronte pranë, do ti bënte të qartë arsyen, atë që filozofi gjerman Arthur Schopenhauer e ka thënë shumë kohë më parë:
Në vetmi, i mjeri ndjen gjithë mjerimin e tij!
