Elton Fisheku, sejmeni i Lali Erit që fut duart në xhepat e qytetarëve!

Dje sqaruam se si VEPRON “Tirana Parking”, në bazë të cilit Ligj vepron Policia Bashkiake e deri tek Erion Veliaj, por për të kryer vjedhjen e qytetarit, i duhet efektivi i policisë, ai cili është në terren.

Për të mos folur për rastet e shumta kemi rastin e Agim P. të freskët fare, kriminal sa dhe Policia Bashkiake në shërbim të së cilës është sejmeni Elton Fisheku, që fut duart në xhepat e qytetarëve.

Fillimisht duhet sqaruar se cilat janë detyrat e efektivit të policisë:

Efektivi i policise bashkiake

Detyrat:

1.Kontrolli i përditshëm i territorit- Për të mos lejuar shkeljet ligjore, në:

• Zënien e hapësirave publike;
  • Veprimtarinë tregtare ambulante;
  • Vendosjen e reklamave;
  • Dëmtimin e hapësirave të gjelberta;
  • Trotuareve;
  • Ndriçirnin publik;
  • Ndotjen e mjedisit.

2.Konstatimi dhe marrja e masave ligjore ndaj:
Arnbulantëve të paligjshëm e subjekteve të ndryshërn, të cilët zënë hapësira publike, në mënyrë të paligjshme, ndotin mjedisin, konkurrojnë në mënyrë të pandershme subjektet që janë të liçensuara, si dhe shlyejnë detyrimet fiskale.

3.Zbatimi i Vendimeve Administrative: 
Të marra nga Kryetari i Bashkisë, Këshilli Bashkiak, si dhe marrja e masave ligjore administrative ndaj subjekteve apo individëve që dëmtojnë pronën e Bashkisë (rrugë, trotuare, lulishte, ndriçim publik etj).

4.Parandalimi dhe pezullimi i ndërtimeve pa leje: 
Të konstatuara nga inspektorët e Policisë Bashkiake, si dhe mbështetjen e lnspektoriatit të Mbrojtjes së Territorit në zbatimin e vendimeve për prishjen e objekteve pa leje.

5.Ndotja akustike, si dhe zhurmat qe shkaktohen nga lokalet e nates: Shqetësimet që ka komuniteti nga ndotja akustike (zhurmat) e lokaleve te natës, i kemi në ndjekje duke marrë masa në bashkëpunim me strukturat e Bashkisë Tiranë, si dhe me drejtori e institucione, jashtë Bashkisë.

6.Në zbatim të Kodit Rrugor, Sektori i Sigurisë Rrugore:
Vepron kryesisht për konstatimin dhe ndëshkimin e shkeljeve, sipas dispozitave të Kodit Rrugor, në drejtim të parkimit në mënyrë të paligjshme, të automjeteve të ndryshme në vende dhe hapësira, publike ose private, të taksive të pa liçensuara, te automjeteve që kryejnë lëvizje ndërqytetëse dhe që nuk respektojnë kërkesat ligjore etj.

Në rastin që po trajtojmë sot është Detyra 6. “Në zbatim të Kodit Rrugor, Sektori i Sigurisë Rrugore”.

Sipas kësaj detyre, Efektivi i Policisë Bashkiake vepron kryesisht për konstatimin dhe ndëshkimin e shkeljeve, sipas dispozitave të Kodit Rrugor, në drejtim të parkimit në mënyrë të paligjshme, të automjeteve të ndryshme në vende dhe hapësira, publike ose private, të taksive të pa liçensuara, te automjeteve që kryejnë lëvizje ndërqytetëse dhe që nuk respektojnë kërkesat ligjore etj.

Meqë makina e Agim.P ishte e parkuar në Rrugën Tefta Tashko Koço fillimisht ky efektiv policie para se ta verifikoj makinën e tij dhe jo vetëm, nëse kanë paguar përmes sms parkimin, duhet të konstatoj shenjën e trafikut, dukshmërinë, dhe gjendjen e saj.

Çfarë bënë ky kamion aty, pse ka zënë pamjen e shenjës së trafikut këtë e din më së së miri sejmeni i Erion Veliajt, Elton Fisheku.

Por kur një qytetar si Agim P. do të jetë i ndershëm, pa e ditur se do ta pengoj Elton Fisheku të jetë i tillë, ai e kërkon shenjën, cila është zona dhe e dërgon mesazhin për të paguar parkimin në rrugën Tefta Tashko Koço për Zonën A.

Dhe vjen banda kriminale për të zhvatur qytetarët edhe kur ata paguajnë, dhe siç e ka sqaruar polici bashkiak që punon tek Pazari i Ri, ata janë policë bashkiak në lëvizje që së bashku me “Tirana Parking” veprojnë dhe shkruajnë gjoba.

Si është e mundur që verifikohet pronësia e makinës për të shkruar gjobën, dhe nuk verifikohet pagesa e bërë me sms e pronarit të makinës, në këtë rast Agim P. polici bashkiak në detyrë tek Pazari i Ri nuk e sqaroi dot por rrudhi krahët.

Agim P. na ofroi edhe emailin që i kishte nisur Policisë Bashkiake dhe ka mbetur pa përgjigje! Pa përgjigje edhe në pyetjen shumë thelbësore që i kishte bërë Policisë Bashkiake: Pse nuk më lejoni të jem qytetar i ndershëm?

Ja dhe emaili i plotë:

E kam konsideruar legjende urbane por sot me ndodhi vete mua me Policine tuaj Bashkiake qe me doli kriminale.

Sot te Rr.T.Koco, Une Agim Popoci, parkova makinen e pagova si zakonisht me sms… meqe kisha pune e perserita 4 here, pra 4 ore… por kur shkova te makina e gjeta fleten e gjobes 1000 leke, gje qe kisha degjuar me mijera here po me dukej absurde.

E thirra ne tel Policine tuaj dhe me doli nje djale e me sqaroi se duhet ta apeloj gjoben te Bashkia.

Po mire, sikur une te kem kohe sic mendoni ju, qe per fajin tuaj te shkoj larte e poshte, une nuk e paguaj permes sms por rri te bashkia Juaj.

U pa puna, mua as qe do te me shkoj neper mend te paguaj me me sms, dhe meqe nuk me lejoni mua te behem qytetar i ndershem, mos e beni kete ne te ardhmen me te tjeret. Lereni njerezit ta respektojne ligjin dhe te sillen normalisht!

Turp te keni!

P.S. Bashkangjitur keni deshmite e viktimes se radhes: gjoben dhe 4 sms!

Pra, kështu cenohen të drejtat e qytetarëve nga këta efektiv policie, kush mbanë përgjegjësi kur asgjë nuk funksionon në këtë Polici Bashkiake, nga hajduti Elton Fisheku deri tek kryetari i Bashkisë së Tiranës, Erion Veliaj?!

Një gjë është e sigurtë, përgjigjen e nuk jep asnjëri prej këtyre shkelësve të papërgjegjshëm të ligjit, por jo gjithçka është e pashpresë.

Në mes të gjobitjeve, me sms dhe me “elton fishekë”, shqiptarët mund ta shmangin gjobën e pakuptimtë me sms. Këtë të paktën kanë mundësi të mos e paguajnë, në pritje të pastrimit të pushtetit kriminal lokal i cili vazhdon të ketë mbështetje nga “babai i këtij krimi” i cili mund të mos ja ketë haberin shumë gjërave ashtu si qeverisjes, por për rrjetet sociale dhe propagandën është, NONA!

A është vjedhja me sms, fundi i zhvatjes shtetërore?! Natyrisht që jo, ky popull nuk ka kaq shumë fat! Kujdes xhepat…